Hapet shkolla në fshatin Ranatoc

Kryeshefi i Drejtoratit për Financa dhe Ekonomi në Komunën e Preshevës zoti Fadil Azizi, deklaroi se dje në fshatin Ranatoc është bërë solemnisht përurimi i ndërtesës së re të shkollës fillore 4 klasëshe, e cila vepron në kuadër të shkollës qendrore Migjeni në Caravajkë.

Në përurimin e këtij objekti shkollor morrën pjesë udhëheqësit më të lartë të strukturave komunale.

Investitor i këtij projekti është Buxheti Komunal me shumë prej 2 milion e 253mij dinarë. Këtë shkollë deri në temel e patën djegur forcat ushtarake policore serbe gjatë luftimeve të vitit 1999.

Udhëheqësit komunal i vizituan edhe shtëpitë që janë duke u ndërtuar nga Buxheti Komunal për familjet e varfura dhe me kushte të vështira ekonomike të dëmtuara nga tërmeti që goditi këtë vit territorin tonë.

15.10.2002