Paul Newman Aktori dhe regjisori i madh ka lindur me 26 janar 1925 në Ohio. Talentin e tij për aktrim e tregoi qysh kur ishte në shkollën e mesme, ku dhe punonte në një produksion lokal. Pas mbarimit të shkollës ai shkon në Aviacionin Amerikan, me dëshirë për të krijuar një karierë piloti. Mirëpo, pasi ishte daltonist, ai punoi vetëm si radio operator në stacionin e Pacifikut Jugor.
Nga armata u përjashtua për shkak disciplinës së keqe, ku menjëherë pastaj regjistrohet në kolegjin e Ohajos, ku diplomoi në gjuhën Angleze. Gjatë studimeve ai kohën e lirë e kalonte në seksionin dramatik, ku kishte lujatur në disa role kryesore në filmat e produksionit të studentëve.
Në vitin 1949 martohet me Xheki Vajt, me të cilin kanë edhe një djalë. Vitin e ardshëm i vdes babai, ku tentoi të vazhdojë biznisin e tij me mjete sportive, por ai nuk mundi të vazhdojë dhe filloi të merret më seriozisht me aktrimin. Këtë vit i bashkangjitet organizatës Voodstock, ku kishte rolin kryesor për organizimin e festivalit të madh.
Deri në vitin 1953 ka vijuar shumë shkolla për artin dramatik. Pastaj ai kishte luajtur disa role në Broadway, ku dhe tregoi talentin e tij, dhe pastaj mori shumë oferta për inçizim të filamve.
Filmi “the Silver Chalice” nuk i kishte pëlqyer fare, dhe kishte tentuar shumë mënyra që ky film të mos shikohet shumë. Filmi “Somebody Up There Like Me” i ka dhënë një senzacion të madh brenda natës.
Vitete e ardhshme ai mer edhe nominimet e para për Oskar dhe çmime nga Akademia. Sukses të madh arriti edhe me filmin “The Hustler”.
Që nga viti 1968 fillon të merret edhe me regji.
Filmi “Sundance Kid” ishte filmi western më i shikuari deri atherë. Sukses arriti edhe me filmin “Slap Shot”.
Ka inçizuar edhe filmin “Colour of Money” me Tom Cruise.
Edhe pse kurrë nuk ka marrë çmim nga Oskar për role apo regji të ndonjë filmi, vitin 1986 merr oskarin për karierë të suksesshme në punën e filmit.
Gjatë karierës së tij ai ka inçizuar më shumë se 60 filma dhe konsiderohet si seks simbol amerikan i viteve 70-ta.
Sot ai merret me një fondacion, të cilin a ka themeluar për hir të djalit i cili i ka vdekur nga doza e madhe e drogës.

by DritonS
© presheva.com