Vincent van Gogh Njëri ndër piktorët më të mëdhenjt të të gjitha kohërave, Vincent van Gogh, ka lindur me 30 mars 1853. Daja i tij ishte një pronar i një firme për shitjen e pikturave. Van Gogh ka punuar në këtë puntori prej kur ishte 16 vjeçar. Gjashtë vitet e ardhshme ai shiste piktura në Hagë, Londër, Paris dhe Berlin. Kur e la këtë punë, ai u bë arsimtar në Paris dhe disa vite ai punoi si arsimtar i artit figurativ.
Viti 1880 ishte një vit me rëndësi në jetën e tij. Ai atherë regjistroi shkollën e artit figurativ dhe vendosi që t’i kushtohet artit. Vazhdoi shkollat në Bruksel, Hagë dhe Londër. Pesë vitet e ardhshme ai pikturoi minatorët, fshatarët dhe njerzit a varfër. Kjo periudhë në krijimtarinë e tij njihet si periudha Holandeze, sepse inspirimin më të madh ai e mori në Holandë.
Vitin 1886 shkon tek i vëllau në Paris, qytet i cili atherë ishte qendra e artit. Atje njohtohet me piktorët më të mëdhenj të asaj kohe. Nën ndikimin e ipmresionizmit dhe neoimpresionismit Parisien (Sinjaka dhe Tuluz Lotreka), Van Gog pikturat e tij të errëta filloi të i ndërrojë në piktura me ngjyra më të hapura, duke pikturuar elemente tipike impresioniste – kafene qytetare dhe pejsazhe.Ai zhvendoset në Jug të Francës në Arl, duke hulumtuar për vende më të nxehta se Parisi. Gjatë viteve të para në Arl, ai kishte bërë rreth 200 piktura. Kjo ishte një periudhë kur kishte pikturuar edhe shumv autoportrete. Piktura më e njohur e tij gjatë kvsaj kohe “kafe e natës” dhe “dhoma e fjetjes në Arl”. Në tetor 1888 e viziton pol Gogen, piktorë i cili e kishte sjellë në Arl, por ata grinden dhe Gogen kthehet në Paris. Me këtë rast van Gog pret veshin e vet! Pas kësaj, sëmundja e tij merr një hov të madh.
Vitet e ardhshme, me një sëmundje të rëndë, ai pikturoi dhe shumë piktura, duke hedhur ngjyra shumë shpejt, si në trans. Shumë nga këto vepra të tij kushtojnë me miliona dollarë.
Vinsent van Gogh deshi të bëjë vetëvrasje me 27 korrik 1890, në një fushë në Jug të Francës, kurse vdiq me 29 korrik në mëngjes.

by DritonS
© presheva.com