Apple iPhone

(presheva.com) -  Në Macworld 2007, Apple ka prezantuar iPhone të shumëpritur, një iPod me ekran të gjërë, telefon mobil, termnal interneti mobil, kamerë digjitale dhe organizer portabel, të gjitha në një. Disa nga veçoritë interesantë janë edhe OS X (Sistemi Operativ) me të cilin punon telefoni, kontrollimi me anë të ekranit të ndjeshëm në prekje (touchscreen) i cili mund të kontrollohet me disa gishtërinjë duke menjanuar lapsin (stylus).

I pajisur me 4 ose 8 GB të memorie të integruar, iPhone i Apple ka më shumë hapësirë se që ju nevojitet për të ruajtur fotot, videot dhe muzikën. Për dallim nga iPod ka një ekran TFT 3.5" të ndjeshëm në prekje me rezolucion 320x480 pixela, ka të integruar kamerën digjitale 2 Megapikselëshe. Ka një akselerometër i cili i mundëson telfonit të dijë pozitën e tij, portret apo peisazh që të vendosë edhe orientimin e ekranit në pozitën e favorshme. Të gjitha këto mundësi ofrohen nga telefoni i hollë vetëm 11.6 mm.

Telefonit quad-band GSM/Edge si mangësi mund t'i llogaritet mungesa e opcionit 3G dhe HSDPA. Përveç kësaj iPhone është një smartphone i përkryer i cili nuk ka opcion primar vetëm bërjen e thirrjeve telefonike, por mund të ruani kontaktet tuaja, shënimeve, kalendarin, ngjarjet,.. dhe sinkronizimin e tyre me kompjuterin tuaj. Nëse edhe kjo nuk ju mjafton paisja ka të integruar Wi-Fi (802.11 b/g) dhe Bluetooth 2.0.

Një tjetër përparësi e kësaj paisje multimediale është edhe përdorimi i internetit, pasi që iPhone ofron web browser nga Safari me Google search plus dhe Google Maps të integruar, por nuk ka të integruar GPS.

Apple do të fillojë e ofrimit të iPhone në SHBA përmes rrjetit Cingular. Paisja pritet që të jetë komerciale që nga Qershori i këtij viti. Ardhja e iPhone në Europë nuk pritet para çerekut të katërt të vitit 2007 apo fillimit të 2008-ës në Azi. Çmimi fillestar në Cingular do të jetë 499 dollarë për modelin me 4GB përkatësisht 599 dollarë për modelin me 8GB me kontratë dy vjeçare.

Lexoni në presheva.com:
iPhone në Janar 2007

 
© presheva.com