Amerikani transmeton vetëvrasjen e tij në forum bullgar

(presheva.com) - Një 21 vjeçar amerikan, adhurues i lojërave në internet ka transmetuar vetëvrasjen e tij në një Forum bullgar të Internetit. I njohur si Mitchell.S e ka lëshuar web kamerën e tij dhe ka gëlltitur një sasi të antifrizit dhe një sasi të barnave pasi që është ankuar rreth problemeve familjare dhe mungesës të hollave ka bërë të ditur administratori i forumit bullgar, Boyan Georgiev.
Anëtarët e tjerë të forumit kanë menduar se anëtari me nofkën "Kudjo" po bënte shaka, por ai për 6 orë nuk kishte lëvizur nga vendi nga efekti i substancave dhe më vonë ishte ndërprerë transmetimi.
Pasi që ai nuk ishte paraqitur në mbledhjet e rregullta sportive, lojtarët tjerë kishin shkuar në shtëpinë e tij dhe kanë kuptuar se ai kishte vdekur në spital më 7 Janar.
Web faqja e lojërave në internet www.metalgearsolid.org është mbyllur dhe janë duke u zhvilluar hetimet. "Kompania jonë nuk e ka provokuar në asnjë mënyrë vetëvrasjen e tij. Ne nuk jemi përgjegjës për materialin që paraqitet në faqe" i ka deklaruar Georgiev mediave bullgare.
Ai ka thënë se rreth 5000 lojtarë interneti e vizitojnë këtë forum çdo ditë.

 
© presheva.com