Google blen garazhin ku është krijuar

Gjiganti i internetit Google ka blerë shtëpinë ku është krijuar në vitin 1998. Google ka paguar një shumë e cila nuk është bërë publike për shtëpinë në Menlo Park në Kaliforni. Në garazhin kësaj shtëpie Larry Page dhe Sergey Brin kanë filluar biznesin e tyre.

Google e ka blerë shtëpinë nga punëtorja e vet Susan Wojciki. Zonja Wojcicki nuk ka punuar për Google në vitin 1998, por ajo kishte shoqe të dashurën e Sergey Brin në atë kohë.

Ajo ia kishte lëshuar me qira garazhin e saj për 1700 dollarë për muaj, ku ata qëndruan për pesë muaj.

Në kohën kur është krijuar Google, themeluesit e saj Page dhe Brin si kapital fillestar kanë pasur 1 milion dollarë të cilat i kanë mbledhur nga shumë investitorë. Sot Google ka 10 miliardë dollarë para të gatshme dhe 125 miliardë në aksione.

Znj. Wojcicki sot është nën presidente e menagjmentit të produkteve dhe punon në bazën e Google në Mountain View.

Google nuk ka pranuar të deklarojë se sa ka paguar për shtëpinë, por pasuri të ngjajshme në atë pjesë shiten diku mes 1.1 milion dhe 1.3 milion dollarë.

Në vitin 2004 Hewlett-Packard pati paguar 1.7 milion dollarë për garazhin në të cilën ishte themeluar në Paolo Alto të Kalifornisë në vitin 1938.

Ende nuk është vendosur se çka do të bëhet me shtëpinë, por flitet se do të përdoret si shtëpi për mysafirë të Google. Garazhi tashmë është bërë një atraksion për turistë të cilët tashmë vijnë me autobusë për të bërë fotografi para shtëpisë.

 
© presheva.com