Numri i web faqeve arrin në 100 milion

(presheva.com)- Në Prill të vitit 1997 kanë qenë gjithsej një milion web faqe, në Shkurt të vitit 2000 dhjetë milion, derisa në Shtator të po këtij viti numri i web faqeve kishte arritur në njëzet milion, kurse sot ekzistojnë mbi 100 milion web faqe. 

Në internet është tejkaluar numri i 100 milion faqeve dhe hovin e zhvillimit e ka marrë në vitin 2004, që karakterizohet me popullarizimin e blogut, tregon një studim i kryer nga Netcraft. 

Trendi i zhvillimit të internetit tregon se çdo muaj krijohen më shumë se katër milion faqe të reja. Që nga fillimi i vitit 2006, në internet janë hapur 27.4 milion faqe të reja, shifër që paraqet një rritje të madhe në krahasim me vitin e kaluar kur në tërë vitin ishin hapur 17 milion web faqe. 

"Interneti e ka dyfishuar sasinë e tij që nga Maji i vitit 2004, kur kemi numëruar 50 milion faqe" thotë raporti i Netcraft, kompani e cila ka filluar përcjelljen e internetit që nga viti 1995 kur kanë qenë të hapura vetëm 18.957 faqe internet. 

"Blog, faqet e të rinjve dhe kompanive të vogla kanë ndikuar në rritjen eksplozive këtë vit" thuhet në raport.

Serveret më të përdorur janë ata të Apache me 61 përqind, Microsoft me 31 përqind, Sun me 1 përqind dhe Zeus me 0.5 përqind.

 
© presheva.com