Kush është ai që krijon logot e Google?

(presheva.com) - Mund të jetë njëri nga artistët e panjohur veprat e të cilit nuk janë ekspozuar në ekspozita, por veprat e tij çdo ditë i shohin me miliona njerëz. Denis Hwang, koreani 23 vjeçar i cili është i lindur në SHBA që nga viti 2000 punon si dizajner në Google. Ai ka për detyrë që të manipulojë me gjashtë shkronja dhe të krijojë logotipe për raste të veçanta.

Dennis që atherë dizajnon logon e Google për raste dhe festa të ndryshme si për shembull për festën e Vitit të Ri, Kërshëndellave, Ditës së Nënës, etj. Sot dizajnimi i logove përbën vetëm 20 përqind të punës së tij. Ai sot është shef i ekipit të dizajnerave në Google.

Denis është i lindur në Knoxville të SHBA-ve, por prindërit e tij ishin shpërngulur në Kore kur ai ishte 5 vjet. Rritet në qytetin Gwancheonu deri në vitin 1992 kur edhe kthehet në SHBA. Prinderit e tij përsëri kthehen në Kore por ai me të vllaun vendosin të qëndrojnë në SHBA.

Logon e parë e ka krijuar në vitin 2000 kur ai ishte punësuar si bashkëpunëtorë i jashtëm. Detyra e parë ishte dizjanimi i logos të Google në shenjë të Ditë së Pavarsisë.

Punimi i parë i Denis Hwang për Google
 

Ai zbulon se më së shumti ka dëshirë të manipulojë me shkronjat "O" dhe "L" sepse atyre është më së lehti t'i ndryshohet forma. Shkronja "O" shumë lehtë mund të shëndrrohet në kungull të Halloween apo planeti i Tokës, derisa shkronja "G" është shumë e vështirë të shëndrrohet në diçka tjetër.

 
© presheva.com