Nyxem, më 3 Shkurt fillon fshirjen e fajllave

3 Shkurti mund të jetë një ditë e keqe për përdoruesit e internetit. Shkaktarë për këtë mund të jetë virusi Nyxem i cili do t'i fshijë të gjithë fajllat e Microsoft Office (Word, Excel, Powerpoint, Access), Adobe Acrobat, dokumentat e Oracle dhe datotekat ZIP dhe RAR në kompjuterin e infektuar.

Këto lloje të dokumenteve janë më të përhapurat në mesin e miliardë përdoruesve të kompjuterëve. Ekspertët e sigurisë këshillojnë që nga 3 shkurti t'i skanojnë hard disqet e tyre, në të kundërt do të mbesin pa dokumentet e tyre të rëndësishëm.

Besohet se virusi Nyxem është i njohur edhe me emra të tjerë si Blackmal, MyWife, Kama Sutra, Grew deh CME-24 ka infektuar tashmë qindra mijëra kompjuterë në mbarë botën. Kompanitë e prodhimit të anti-virusëve kanë deklaruar se kanë arritur të parandalojnë një numër të madhë të infeksioneve, por në të njejtën kohë kanë pohuar se tashmë një numër i madhë i kompjuterëve tashmë është infektuar.

BBC shkruan se virusi lajmëron çdo infektim të "sukseshëm" në një web faqe, në të cilën tregohet numri i kompjuterëve të infektuar. Sipas disa ekspertëve të sigurisë numri i të infekrtuarve me virusin W32/Nyxem-D ka arritur tashmë në 510.000 në tërë botën.

Virusi Nyxem përhapet si edhe shumica e virusëve, me anë të emailit i cili i ofron shfrytëzuesit të internetit qasje në materiale pornografike nëse e hap fajllin i cili i është bashkangjitur e-mailit (attachmentin). Me hapjen e e-mailit bëhet edhe ekzekutimi i këtij kodi i cili e infekton kompjuterin, Titulli dhe përmbajtja e e-mailit ndryshojnë nga e-maili në e-mail.

Kur virusi Nyxem arrinë të infektojë një kompjuter, e dërgon vetën në të gjithë e-mailat që gjenden në listën e personit të infektuar, pasta fillon të kërkojë ndonjë kompjuter brenda rrjetit të infektojë. Përveç kësaj, virusi Nyxem tenton që të mos lejojë funksionimin e antivirusëve të instaluar duke mos lejuar azhurimin e versioneve më të reja të anti-virusëve. Disa nga "simptomet" e infektimit me këtë virus janë problemet me miun dhe me tastierën.

Por, rreziku më i madhë i Nyxem fshihet se më 3 të çdo muaji do të fshijë 11 lloje të ndryshme të fajllave: Oracle DMP, Word DOC dokumente, MDB dhe MDE të Acces-it, dokumentet PDF, PPS të Powerpoint, XLS të Excel-it, PSD të Photoshop-it, dhe datotekat e zvogëluara ZIP dhe RAR.

Ekspertët e sigurisë parashikojnë që përdoruesit e internetit do ta pësojnë goditjen e parë më 3 shkurt kur virusi do të aktivizohet dhe të fshijë gjithë dokumentat nga kompjuteri i infektuar.

Këtu gjenden informatat se si duhet larguar virusin Nyxem nga kompjuteri juaj :

http://www.sophos.com/support/disinfection/nyxem.html
 

 
© presheva.com