ebay blen kompaninë Skype

(presheva.com) - Kompania ebay ka arritur marrëveshjen rreth blerjes së kompanisë Skype Technologies SA me vlerë prej 2.6 miliardë dollarë. Kompania Skype Technologies është krijues i programit Skype - është një program për komunikim me zë nëpërmjet internetit të cilin e përdorin më shumë se 50 milionë përdorues në më shumë se 225 shtete nëpër botë. Ky program është përkthyer edhe në gjuhën shqipe nga Valon Salihu, staff i presheva.com. Ky program për një kohë shumë të shkurtër ka bërë një numër të madh të përdoruesve - çdo ditë numri i tyre rritet për 150.000.
Përfaqësuesit e kompanisë ebay kanë njohtuar se pas kësaj blerje, kompanisë i ofrohen edhe mundësi të reja, jo vetëm numrit të rritur të aukcioneve të rrjetit por edhe të në një mënyre të re të pagesës.
Kompania ebay është pronar i sistemit për pagesë në rrjet PayPal, kështu që bashkimi i të gjitha kompanive në një sistem do të lehtësojë pagesën, njohtojnë përfaqësuesit e ebay.
Blerja e kompanisë Skype Technologies ndoshta kompanisë ebay do të shkatojë probleme në tregun e madh kinez, ku ebay përballet me kompaninë Yahoo e cila ka blerë 40% të aksioneve të kompanisë kineze për aukcione në rrjet Alibaba.com.
Sipas ligjeve kineze dërgimi i zërit nëpërmjet protokolit (VoIP) është i lejuar vetëm për kompanitë të cilat posedojnë licencë për të.
 

Driton SALIHU