Bashkëpunim i Google dhe Sun

Dy kompanitë kanë hyrë në raporte partneriteti për t'u bërë konkurentë më të fortë ndaj Microsoft

(presheva.com) - Google dhe Sun kanë bërë një kontratë që secila kompani të distribuojë prodhimet një tjetrës. Programet të cilat do të bashkohen do të jenë Java Runtime, OpenOffice dhe Google Toolbar. Ky bashkëpunim do të duhet të paraqesë një konkurencë më të fortë ndaj Microsoftit në fushën e teknologjisë së internetit. Në këtë bashkëpunim do të krijohen aplikacione të bazuara sipas teknologjisë së Sun, kurse Google po pregaditet të krijojë Office paket të bazuar në OpenOffice me të cilën direkt do t'i konkurojë Microsoft Office i cili nuk ka dhënë asnjë koment në lidhje me këtë ngjarje. Detajet rreth finansimeve ende nuk janë bërë të ditura.

Driton SALIHU