Trojanat nga telefonat mobil sulmojnë kompjuterët

(presheva.com) - Përfaqësuesit e kompanisë antivirus F-Secure kanë njohtuar se autorët e virusëve kanë gjetur mënyrë që programet e tyre keqbërëse të i dërgojnë nga telefonat mobil tek kompjuterët. Sipas tyre, është shënuar paraqitja e një trojani të ri i cili paraqitet si një softver argëtues i piratizuar për telefona mobil duke tentuar të infektojë PC me ndihmën e kartelave të memorjes së telefonit.
"Edhe pse trojani i ri nuk paraqet kurrfarë rreziku serioz për përdouesit e kompjuterëve, ajo paraqet një sulm të parë të virusit të telefonit mobil në PC" tha Miko Hiponen, një udhëheqës i kompanisë F-Secure.
Kompania Trend Micro e ka shënuar rrezikshmërinë potenciale si të ulët.
Trojanët zakonisht instalohet në aparatet e sulmuara kështu që përdoruesit e saj i mashtron duke u maskuar në ndonjë lloj tjetër të softverit. Si trojanë gjenden lloj lloj programe, duke përfshirë edhe virusë të cilët përhapen nëpërmjet lidhjes Bluetooth dhe nëpërmjet MMS mesazheve. Ata sulmojnë telefonat mobil nëpërmjet sistemit operativ Symbian 60 por edhe nëpërmjet sistemit operativ Windows Mobile.
Në rastin e përmendur, trojani Sybos/Cardtrap.A fshihet pas lojës për telefona mobil të cilët përdoruesit e marrin nëpërmjet internetit. Trojani tenton të futet në PC kështu që kopjon dy datoteka nga kartela e memorjes. Kur përdoruesi lidh kartelën e memorisë me kompjuterin edhe zgjedh njërën nga datotekat e infektuara, trojani nis krimbin e Internetit dhe përhap në të gjithë kompjuterët e lidhur në rrjet.
Krimbet Cabir dhe Commwarior ishin paraqitur më herët tek telefonat mobil.

Driton SALIHU