Milioneri i pikselave

Million Dollar Hompage, nga emri ju duket se bëhet fjalë për një faqe interneti për milionerët e botës. Kjo faqe është pronë e një studenti nga universiteti i Notinghamit. Ai shpreson se deri në fund të studimeve të tij të mbledh 1 milion dollarë. Alex Tew është student i vitit të parë. Alex-it i ka lindur një ide e thjeshtë e cila duket se po i sjell fitimet e parapara. Ai ka krijuar një web faqe me 1 milion pixela të cilët i shet nga 1 dollarë. Çdokush që dëshiron të reklamojë në web faqen e Alexit duhet të blejë minimum një bllok i cili përbëhet nga 100 piksela (10x10 piksela) që kushton 100 dollarë. Webfaqja e Aleksit ka në dispozicion 10 000 blloqe që paraqesin 1 milion piksela. Me blerjen e pikselave në webfaqe, Alexi ju garanton reklamimin e linkut tuaj minimum për pesë vite.
Alexi deri tash ka fituar mbi 350 000 dollarë dhe është në rrugë të mirë për të arritur qellimin e tij prej 1 milion dollarëve. Në këtë webfaqe reklamohen edhe disa gjëra interesante të cilat fshihen pas porosive interesante si për shembull "Even Monkeys fall from trees", e cila është blerë për 4000 dollarë dhe është reklamë e një DVD kompleti "The book of Cool" i cili përmban këshilla për jetën. Poashtu këtu kanë reklamuar edhe një numër i madhë i disa kasinove elektronike si dhe faqeve personale. Deri më tash më së shumti pixela ka blerë një bastore sportive nga Gjermania, gjithsej 6500 piksela. Pasi që është një ide gjeniale dhe e thjeshtë, për një kohë të shkurtë ekzistimi të kësaj faqeje, deri më tash i janë paraqitur disa kopje si Another Million Dollar Homepage, The Million Penny Homepage, The Million Euro Homepage dhe The Million Yuan Homepage. Për Alexin kjo nuk paraqet problem dhe i konsideron qesharake kopjet e bëra dhe thotë se faqja e tij ka përparësi se atij do t'i sjell të holla kurse kopjet e tij do të mbledhin vetëm fundrrinat.
Është vetëm në vitin e parë të studimeve dhe ka një ide gejniale, paramendone se çfarë afaristi do të bëhet Alex pas përfundimit të studimeve.

Më shumë informata:
The Million Dollar Homepage

 
© presheva.com