Bashkimi Demokratik i Luginës
e-mail:dr.skenderdestani@hotmail.com
Preshevë

Deklaratë

Në mbledhjen e mbajtur të kryesisë së Bashkimit Demokratik të Luginës më 01.07.2006, në të cilën u shqyrtuan zhvillimet politike në luginë të Preshevës dhe rajon, pas diskutimeve konkluduam se është më se e nevojshme që të përshpejtohen proceset politike në luginë të Preshevës.

- Duke patur parasysh se në séancën e tre kuvendeve e mbajtur më 14 janar 2006, ku është aprovuar platforma e përbashkët politike, në të cilën janë parapar mënyrat e zgjidhjes së të drejtave të shqiptarëve të luginës së Preshevës, konform konventave ndërkombëtare, dhe ku në pasuesin e fundit të saj obligoheshin që për realizimin e saj të formohet organi më i lartë reprezentativ i shqiptarve të luginës së Preshevës, Këshilli Nacional I shqiptarëve, Kryesia e BDL-së konstatoi se një gjë e tillë nuk ka ndodhur për shkaqe të cilat për opinionin janë të njohura. I ftojmë të gjithë faktorët relevant politikë të Luginës së Preshevës që të ulemi dhe të bisedojmë për t’u dakorduar që kryetarët e kuvendeve komunale të ciltë janë të obliguar të ftojnë sa më shpejtë që është e mundur këshilltarët shqiptarë të tre kuvendeve në një kuvend të përbashkët, për të inicuar formimin e Këshillit Nacional të shqiptarëve të luginës së Preshevës, i cili është më se i domosdoshëm për momentin e pikërishëm.

- Duke patur parasysh rrjedhat politike në Kosovë rreth statusit final dhe reflektimet në Luginë të Preshevës, Kryesia e BDL-së dhe këshilltarët e saj ranë dakord që të marrin pjesë aktive në formimin e Këshillit Nacional, sepse mendojmë se është momenti i fundit që shqiptarët e luginës së Preshevës të kenë organin më të lartë politikë, i cili do të unifikoj faktorin politikë shqiptarë për t’i mbrojtur interesat e shqiptarëve të cilat janë të paraqitura në platformën e përbashkët politike.


Preshevë 01.07.2006
Shërbimi për imformim i BDL-së