REAGIM i KISHKL-së

Nuk mund të formohet Këshilli Nacional i shqiptarëve të Kosovës Lindore, me njerzit që janë të kyqur në trupin Koordinues dhe në pushtetin Lokal të Sërbisë

Këshilli për Integrimin e Shqiptarëve të Kosovës Lindore , nëpërmes komunikatës të lëshuar, më 20.08.2005 ia ka bërë me dije z. Rasim Lajiqit se është formuar Këshilli për Integrimin e Shqiptarëve të Kosovës Lindore më 2 korrik 2005, me seli në Bujanoc. Shqiptarët e Kosovës Lindore nuk i nevojitet formimi i Këshilli Nacional të bazuar me ligjet e Zhablakut. Gjithashtu duke ia përkujtuar se kanë kaluar periudhat e errëta, të ligjeve të imponuara me dhunë dhe se ka ardhur koha të jetojmë në proceset e ndryshimeve dhe integrimeve botërore, ku të gjithë popujt do të integrohen në shoqëritë bashkëkohore dhe demokratike.
Formimi i Këshillit për Integrimin e Shqiptarëve të Kosovës Lindore, erdhi si pasojë e përçarjeve të partive politike shqiptare dhe pranimit të disa subjekteve politike për kyçjen e tyre në Trupin Koordinues, pa vullnetin e kësaj popullate. Pra, u bë e patjetërsueshme themelimi i një subjekti i cili do t`i përfaqësoj interesat dhe kërkesat legjitime të popullit shqiptarë, të shprehur gjatë Referendumit të 1 dhe 2 marsit të vitit 1992, ku populli doli masovikisht dhe i thanë po Referendumit, për autonomi territoriale politike me të drejtë bashkëngjitjes me Kosovën.
Gjithashtu, Këshilli për Integrimin e Shqiptarëve të Kosovës Lindore, me kohë apeloj te të gjithë qytetarët, subjektet politike, asociacioneve dhe shoqatave joqeveritare që të integrohen në këtë institucion politik-apartiak, sepse vetëm me një bashkim dhe unitet do të realizohen të drejtat përfundimtare të shqiptarëve të Kosovës Lindore.
Subjektet politike në vend se të pendohen para popullit për gabimet e bëra, ata marrin iniciativa të reja për ta hutuar edhe më shumë popullatën e këtyre trojeve, pranë zgjedhjeve , për Formimin e Këshillit Nacional, dalin me platforma të reja politike, edhe pse e kanë të ditur se përfaqësuesit e pushtetit lokal, këshillat e kuvendeve dhe të Trupit Koordinues, nuk kanë legjitimitet as nga shteti po edhe nga populli shqiptar, të përgatisin platforma politike, sepse ata mund ta zbatojnë vetëm platformën e Beogradit. Pas betejës të ashpër në spektrin politik shqiptar të Kosovës Lindore, ndërmjet disa subjekteve politike dhe udhëheqjes së pushtetarëve lokal, për kyçjen apo moskyçjen e shqiptarëve në Trupin Koordinues, pushtetarët me shpatën e tyre diktatoriale pa e marrë pëlqimin e popullit, kishin guxim që të pranojnë zyrtarisht centralizimin e dyfishtë, duke u arsyetuar nënshkrimin në Beograd të subjekteve politike dhe kryetarëve të Komunave para opinionit, se nuk kanë pasur rrugë tjetër dhe se këtë e kanë bërë nga trysnia dhe presioni ndërkombëtarë. Ato subjekte, të cilët kanë pranuar kyçjen në Trupin Koordinues, nuk kanë të drejtë morale e as kombëtare të themelojnë Këshill nacional, e as të përpilojnë platformë politike në emër të shqiptarëve, sepse janë të njejtit subjekte, të cilët deri dje pamëshirshëm e kanë rrënuar çështjen e Referendumit të 1 dhe 2 marsit e po ashtu edhe platformën e marrëveshjes së UCPMB-së. Tashti po të njëjtit njerëz paraqiten me platformë politike kinse për shqiptarët e Luginës e Preshevës.
Me çfarë logjike paraqiten po të njëjtit subjekte para opinionit, se Trupi Koordinues multietnik pranë qeverisë dhe përkrahje të ndërkombëtarëve nuk po ka kompetenca për zgjidhjen e problemeve, si është e mundur që të njëjtit njerëz në Trupin Koordinues, në udhëheqjen e pushtetit lokal si dhe udhëheqës të subjekteve politike shqiptare, nuk kanë mundësi për t.i zgjidhur problemet e grumbulluara politikisht, pa u themeluar Këshilli Nacional. Kjo për KISHKL-në është vetëm zvarritje e kohës nga politika e Beogradit, si dhe nga disa subjektet politike të shqiptarëve, të cilët me çdo kusht dëshirojnë hakmarrje politike, për ta arsyetuar para opinionit shqiptar dhe ndërkombëtar, se të vetmit persona janë ata, të cilët mund ta udhëheqin politikën e Kosovës Lindore.
Sa i përket disa deklaratave të demoduara të liderit multietnik (edhe i disa subjekteve politik shqiptar), Rasim Ljaiq, kryetar i Trupit Koordinues, se çështja e jugut të Serbisë do të zgjidhet ndaras nga çështja e Kosovës, duke cekur se Beogradi e ka mbështetjen e bashkësisë ndërkombëtare. KISHKL-ja ia bën me dije zotërisë, se politika e Beogradit është ajo, e cila i ka nxitur disa subjekte politike të Kosovën Lindore që të kërkojnë zgjidhjen e problemeve politike baraz me statusin e Kosovës. Dhe se Beogradi nuk e ka mbështetjen e Bashkësisë Ndërkombëtare për t`i mbajtur peng dhe robëruar ekonomikisht politikisht dhe fizikisht shqiptarët e Kosovës Lindore.
Sepse, Beogradi e ka pasur në dorë zgjidhjen e problemeve të Kosovës Lindore nëpërmes procesit demokratik dhe forcimit të institucioneve lokale që nga viti 2001, Mirëpo, nuk është treguar i gatshëm që ta bëj këtë, po as që mund ta bëjë këtë. Ky është argument se serbët nuk janë gati të bashkëpunojnë me shqiptarët, dhe se gjitha proceset politike nga ana e Beogradit janë zhvilluar për të fituar në kohë dhe për ta zvarritur çështjen e Kosovës. Prandaj, nuk mund të themelohet Këshilli Nacional i shqiptarëve të jugut të Serbisë, sepse kjo ide është vonuar shumë nga lojërat politike të koordinuara në kuzhinën speciale të Beogradit, për t i ngulfatur kërkesat dhe të drejtat e kësaj popullate.


Njofton Shërbimi Informativ pran KISHKL-së, Bujanoc
28.01.2006