Partia Demokratike Shqiptare
Preshevë

          Në mbledhjen e kryesisë së PDSH-së, në të cilën morrën pjesë aktive edhe këshilltarët e PDSH-së pran Kuvendit Komunal të Preshevës, u analizua dhe ridebatu në të gjitha aspektet problemi i zgjedhjeve parlamentare të Serbisë që do të mbahen më 21 janar të vitit 2007, Partia Demokratike Shqiptare për informim të drejtëpërsëdrejtë të anëtarëve të PDSH-së, simpatizuesve të shumtë, opinionit të brendshëm dhe të jashtëm, lëshonë këtë:

KUMTESË

        Në ridebatimin e gjërë të këtij problemi të rëndësishëm të zgjedhjeve parlamentare të proklamuara për 21 janar 2007, si dhe të qëndrimit të degës së PDSH-së të Bujanocit e sidomos të disa nëndegëve dhe qëndrimeve të aktivistëve të partisë, të opcioneve të tyre por edhe të opcioneve tjera, si rezultat i gjithë ketij ridebatimi, kryesia e PDSH –së me shumicë absolute të votimeve të Kryesisë Qendrore si dhe të këshilltarëve të sajë, rivendos që në këto zgjedhje parlamentare të Serbisë të mos marrë pjesë, për këto shkaqe:

• Mosrealizimi i të gjitha të drejtave të shqiptarëve të Luginës së Preshevës që janë të garantuara me dokumente ndërkombëtare
• Gjendja e sigurisë në tërësi në Luginën e Preshevës – Preshevë, Medvegjë dhe Bujanoc, është jo vetëm e pandryshuar por edhe me e keqësuar me shtimin e madh të  forcave të uniformuara ekstravepruese si zhandarmëria, ushtria e regullt, policia speciale dhe forca tjera të paidentifikuara;
• Këtë situatë e bëjnë edhe më të rëndë demonstrimet e tyre të pandërprera nëpër qytete dhe vendet urbane, sjelljet shantazhuese të tyre ndaj njerëzve të pafajshëm, me qëllim që të mbjellin frik dhe mosbesim në popullatën vendore dhe pengimin e kthimit potencial të njerëzve tanë që përkohësisht kanë gjet strehim jashtë Luginës së Preshevës;
• Degradimi i paparë dhe i papritur për këto rrethana i policisë vendore (multietnike) dhe organit të sajë si në Preshevë, Bujanoc dhe Medvegje, që Ministria përkatëse i ka degraduar deri në nivelin e stacioneve të rëndomta policore;
• Vazhdimi i getoizimit të popullatës në tërë Luginën e Preshevës;
• Mospërfillja e kërkesave imanente të kësaj popullate për fillimin e një shkollimi superior në gjuhën shqipe;
• Mosbesimi ndaj policisë vendore për t’ia besuar punët si në vendkalimet kufitare ashtu edhe në teren;
• Bojkotimi i arsyeshem dhe i plotë i kësaj popullate në referendumin për kushtetutën e Serbisë, kushtetutë e cila është një nga më restriktivet për të drejtat individuale, grupore dhe kolektive të pakicave në Serbi;
• Mossigurimi i aplikimit praktik të përdorimit të gjuhës dhe shkrimit shqip nëpër institucuionet shtetërore të niveleve komunale siq është policia, gjygjësia, PTT-ja, gjeodezia dhe institucionet tjera;
• Moslejimi i përdorimit të lirë të simboleve kombëtare edhe në ditët e manifestimeve të ndryshme të festave kombëtare;
• Mossigurimi i benificioneve që u kanë takuar dhe u takojnë, të rinjëve që gjenden në shkollimet superiore nëpër Universitetet e Kosovës, Shqipërisë, Maqedonisë dhe të shteteve tjera. Kjo pamëdyshje bën kufizimin e vrazhdtë dhe të paparë të shkollimit të brezave të reja të shqiptarëve që jetojnë në Luginë të Preshevës dhe kështu e bënë degradimin e standardit të familjeve të tyre që e ndajnë kafshatën e gojës për t’i shkolluar fëmijët e tyre;

Konsiderojmë se me këso veprimesh janë duke na u shkelur të drejtat elementare njerëzore, që janë të garantuara me të gjitha konventat ndërkombëtare, shumë nga të cilat Serbia dhe ish Jugosllavia i ka nënshkruar, por asnjëherë nuk i ka përfillur duke mos i zbatuar në jetën e përditshme.

Me këso veprime dhe me veprime tjera demokratike që i njeh bota bashkëkohore, do të përpiqemi që ta bindim faktorin e brendshëm dhe atë ndërkombëtar se shqiptarët e Luginës së Preshevës duhet ti gëzojmë të drejtat që i takojnë.

Në: Preshevë                                              Shërbimi për informim i PDSH-së

Më: 15.12.2006