SH.R.K.V.NJ.K 
Shoqata për Ruajtjen dhe Kultivimin e Vlerave Njerzore dhe Kombëtare
Preshevë

 KOMUNIKATË

Shoqata për Ruajtjen dhe Kultivimin e Vlerave, Njerëzore dhe Kombëtare më datë 01. 09. 2006 ( e premte) mbajti një takim me liderët e subjekteve politke që veprojnë në Komunën e Preshevës.
Duke patur parasysh se vazhdimisht janë duke u mospërfillur kërkesat e shoqatës për një zgjidhje të drejt të statusit të shqiptarëve të Luginës së Prshevës, Kryesia e Shoqatës për Ruatjen dhe Kultivimin e Vlerave Njerëzore dhe Kombëtare e pa të domosdoshme realizimin e këti takimi me liderët e partive politike në Komunën e Preshevës.
Në këtë takim u ndanë mendimet e përbashkëta se që nga miratimi i platformës politike nga këshilltarët shqiptarë të tri komunave të Preshevës, Bujanocit dhe Medvegjës kanë munguar iniciativat serioze për realizimin e kërkesave të shqiptarëve të aprovuara në këtë platformë, ku në mes tjerash parashifet edhe ribashkimi me Kosovën.
Gjithashtu u bisedua edhe për mos unifikimin e subjekteve politike në këto momente historike për popullin shqiptarë të Luginës së Preshevës. Në këtë drejtim edhe një herë Kryetari i Shoqatës z. Nazmi Hajredini bëri ftesë publike që në këto momente shumë të rëndësishme për popullin tonë është i domosdoshëm uniteti dhe qëndrimi i përbashkët i të gjithë liderëve politik dhe asociacioneve joqeveritare në mënyrë që të realizojmë vullnetin e kahmotshëm të shqiptarëve të këtyre trojeve. Një mendim i këtillë u pranua një zëri edhe nga liderët e partive politike te cilët theksuan nevojën e domosdoshme për unifikimin e qëndrimeve për zgjidhjen e çështjes së shqiptarëve të Luginës së Preshevës.

Temë e bisedës në këtë takim me kërkesën e subjekteve politike ishte edhe themelimi i Këshillit Kombëtarë. Qëndrimi i shoqatës rreth themelimit të këti Këshilli ishte i njëjtë me qëndrimet e mëparshme të shprehura për opinionin se Këshilli Kombëtarë nëse themelohet duhet të themelohet jashta kornizave ligjore të pushtetit Serbë.
Shqiptarët e Luginës së Preshevës në këto momente historike kur po bisedohet për fatin e shqiptarëve të Kosovës, nuk guxojnë të anashkalohen dhe të mos merren parasysh kërkesat e tyre. Rezultatet e Referendumit të vitit 1992, lufta e zhvilluar e UÇPMB – së, 2001, dëshmorët e rënë në këtë luftë, na obligojnë që të këmbëngulim në realizimin kërkesave të drejta historike të popullit shqiptarë të këtyre trojeve.


02 Shtator 2006 Preshevë
SHRKVNJK
Kryetari: Nazmi Hajredini