BASHKIMI DEMOKRATIK I LUGINËS
e-mail:dr.skenderdestani@hotmail.com

KUMTESË
e Këshillit Drejtues të Bashkimit Demokratik të Luginës

Në mbledhjen e Këshillit Drejtues të Bashkimit Demokratik të Luginës, të mbajtur më 01.09.2007,përvec tjerash, u diskutua edhe për procesin e bisedimeve shtesë të Statusit final të Kosovës,me crast Këshilli Drejtues i BDL-së konfirmoi edhe njëherë qëndrimin e deklaruar më herët se:

-BDL përkrah fuqishëm parimet e Grupit të Kontaktit, mbi bazën e të cilave u zhvilluan bisedimet në mes palës kosovare dhe serbe, me ndërmjetësimin e presidentit Ahtisari i cili nga këto bisedime përpiloi Pakon e tij,ku propozoi pavarësin e mbikqyrur për Kosovën , të cilën e përkrahu faktori relevant shqiptar dhe ai ndërkombëtar.

-BDL përkrah fuqishëm Pakon e Presidentit Ahtisari, pra përkrah pavarësin e Kosovës, ashtu sic e propozon z.Ahtisari, sepse jemi të bindur , se Statusi i propozuar është zgjidhja më e mirë e mundshme në momentin e tanishëm , i cili do të reflektoj paqë dhe stabilitet të qëndrushëm në Kosovë, Sërbi, Luginë dhe në tërë rajonin e Ballkanit dhe më gjerë.

-BDL rikonfirmon edhe një herë përkrahjen për Platformën politike të shqiptarëve të Luginës së Preshevës, të aprovuar nga kuvendi i këshilltarëve shqiptarë të Preshevës, Bujanocit dhe Medvegjës, me anë të së cilës janë mbështetur parimet e Grupit të Kontaktit e në këtë bazë dhe vet Pakoja e Ahtisarit për Statusin e Kosovës.

-Duke u bazuar në këtë Platformë, BDL kërkon nga partitë politike shqiptare që sa më parë të dakordohen , që kryetarët e kuvendeve komunale të Preshevës dhe Bujanocit të konvokojnë seancën e Kuvendit të përbashkët të këshilltarëve shqiptarë ku do të shqyrtoheshin këto dy cështje me rëndësi të madhe politike për shqiptarët e Luginës e që janë:

1. Zgjedhja e organit ma të lartë reprezentativ të shqiptarëve të Luginës( Këshilli Nacional i shqiptarëve) si dhe

2. Nxjerrja e Deklaratës së përbashkët poitike si dokument bazë i këtij Kuvendi.


01.09.2007 Preshevë
Këshilli Drejtues I BDL-së
Skender Destani, kryetar