ORGANIZATA E VETERANËVE TË LUFTËS SË UÇPMB-së

REAGIM

Organizata e Veteranëve të Luftës së UÇPMB-së në vazhdimësi e përcjell situatën rreth planit hapsinor në zonën kufitare Tabanoc dhe e kundërshton projektin e firmës “INTERSHPED” që është duke u ndërtuar në zonën kufitare Tabanoc, i cili kompleks është duke u ndërtuar në tokat e shqipëtarëve të fshatit Miratoc. Në këtë projekt është anashkalur pushteti lokal i Komunës së Preshevës i cili është kompetent për dhënjen e lejes së punës.
Në vazhdimësi politika e Beogradit me qeveritë e një pas njëshme nuk e ndryshon strategjin e vet ndaj pronave të shqiptarëve, dhe përsëri edhe kjo qeveri vazhdon të sillet ndaj shqiptarëve dhe pronave të shqiptarëve në formë pushtuse.
Është për të habitur synimi për realizimin e këtij projekti për derisa pushteti i Beogradit ende nuk e ka treguar gaditshmërinë për ti paguar tokat e uzurpuar të qytetarët shqiptarë të fshatit Miratoc rreth kufirit me Maqedonin. Ky uzurpim i pronave të shqiptarëve ka ndodhur në vitin 1992 – 1993 kur këta qytetarë edhe sot e kësaj dite ballafaqohen me drejtësin e këtij shteti duke kërkuar të drejtën e tyre për pronat e uzurpuara, ndërsa të njejtit po planifikojnë realizimin e projekteve të reja duke uzurpuar pronat të tjera të shiptarëve.
Ne jemi të bindur se në Luginën e Preshevës kemi kuadër profesional i cili është i pa punësuar. Kapaciteti i tyre profesional ka potencial për të administruar realizimin dhe menaxhimin e projektit në fjalë, deri më tani nuk ka pasur asnjë informacion për mundësinë e kyçjes të këtyre kuadrove në këtë projekt.
Politika e Serbis më e arsyshme është që këso projekte të projektoj dhe të investoj në qytetet ku me shumicë janë popullatë serbe.
Ndërsa e drejtë natyrore është që projekti në fjalë “INTERSHPED” të jetë e drejtë e qytetarëve – afaristëve të Luginës së Preshevës, dhe ti jipet e drejta për ndërtimin e këtij kompleksi, e në veçanti këtë të drejtë ta kenë qytetarët e bashkësis lokale Miratoc.
Organizata e Veteranëve të Luftës së UÇPMB-së e përshëndet vendimin e kuvendit komunal për ndërprejen e punimeve të firmës INTERSHPED.

Preshevë 30.06.2007
OVL- UÇPMB
Kryetar Lulzim Ibishi