Partia Demokratike Shqiptare
Preshevë

K o m u n i k a t ë

        Që në kohë i ashtuquajturi Koalicioni i Shqiptarëve të Luginës së Preshevës projektoi sipas një programi mashtrues fushatën zgjedhore gjer ditën e votimit. Në këtë program veprues inkorporoi nënprograme të tilla me karakter të veprimit komunist dhe përiudhës së errët millosheviqiane. Fushata paraelektorale ishte e përmbushur me fjalor folklorik patriotik dhe simbole kombtare të vendosur në pllakata të shpërndara mbi tërë territorin e Luginës së Preshevës. Kërkohej të votohet shqip atje ku ka shqiptar në adresë të të ashtuquajturit “KOALICIONI I SHQIPTARVE TË LUGINËS SË PRESHEVËS”. Moto e këtyre zgjedhjeve vazhdimisht ishte Platforma Politike e tre Kuvendeve të Luginës së Preshevës madje herë pas herë përmendej edhe referendumi i një e dy marsit të vitit 1992.

        Një nënprogram i veprimit të fushatës paraelektorale ishte edhe keqpërdorimi i politikës shqiptare institucionale në rajon përmes deklaratave të tyre që patjetër duhej të ishin si të tilla për hir të sinkronizimit të politikës gjithpërfshirëse në regjion. Kulmi i keqpërdorimeve është arritur ditën e përmbylljes së fushatës paraelektorale në komunën e Preshevës me muzikë dhe valle. Edhe më i papranueshëm është fakti se manifestimi në Preshevë është organizuar para objektit të Administratës komunale edhe pse ishte ditë pune ku prej orës njëmbëdhjetë po atë ditë puntorët e Administartës komunale nuk kanë mundur të kryejnë punët e përditshmërisë gjë që në Bujanoc nuk ngjau ku tubimi përmbyllës ishte organizuar në sallën e sporteve. Edhe në komunën e Preshevës ka mundur të organizohet tubimi përmbyllës në stadiumun e qytetit ose në shtëpinë e kulturës.

        Nënprogrami tjetër ishte mospranimi i anëtarëve të subjekteve tjera politike në këshillat e votimit nëpër njësit e vendvotimeve përveç të të ashtuquajturit “KOALICIONI I SHQIPTARVE TË LUGINËS SË PRESHEVËS”, edhe pse me kohë kishim dhënë propozimet pët të gjitha vendvotimet nga një anëtar e një zëvendës.

        Ditën e votimit më 21 janar 2007 në kohë janë hapur të gjitha vendvotimet dhe gjer ora shtatëmbëdhjetë të mbrëmjes ka pasur një dalje shumë të vogël në Komunën e Preshevës ,Bujanocit e Medvegjës gjer pesëmbëdhjetë përqind. Nga kjo orë filloi të veprojë nënprogrami tjetër me karakter amplifikues të votave për të ashtuquajturin “KOALICIONI I SHQIPTARVE TË LUGINËS SË PRESHEVËS”. Amplifikimi i votave arriti deri në atë masë që, gjer kohën e mbylljes së vendvotimeve të dyfishohet numri i votusëve. Në prani të vëzhguesëve nga ambasada e Shteteve të Bashkuara të Amerikës,OSBE-së-ODIHR,të CESID-it,Monitoruesëve Evropian është votuar pa dokument identifikimi, pa thirrje për votim, një për të gjithë anëtarët e familjes, një për tjetrin madje edhe duke mbushur kutiat e votimit. Nga këto parregullshmëri, sipas informacioneve që posedojmë, Kordinatorët e CESID-it të zhgënjyer gjer në masë më të madhe të mundshme u larguan nga Komuna e Preshevës dhe të Bujanocit. Në këtë mënyrë këshillave të votimit iu dha edhe një mundësi më shumë për të keqëpërdorur VOTËN E LIRË TË QYTETARIT. Në përbërje të këshillave të votimit vërtetë kishte edhe anëtarë të komunitetit serb por atyre hapur ia kërkuan lejën për të manipuluar sepse ky koalicion është për Serbi, gjersa partitë politike dhe qytetarët që nuk dalin në votime janë për bashkangjitje me Kosovë. Në këtë mënyrë fituan edhe një dritë jeshile për mbushjen e pamëshirshme të kutiave të votimit.

        Nga e gjithë kjo shihet se programimi për manipulime kishte edhe nënprogramet e tijë por të dimensionuar në mënyrë perfide në kohë të veprimit.

        Partia Demokratike Shqiptare nuk pranon rezultatin e zgjedhjeve të 21 janarit 2007 për deputet në parlamentin serb nga liststa e të ashtuquajturit “KOALICIONI I SHQIPTARVE TË LUGINËS SË PRESHEVËS”. Këtë e arsyetojmë me faktet e lartëpërmendura me dhunimin e votës së lirë të qytetarëve me të drejtë vote në teritorin e Luginës së Preshevës. Me këtë rast kërkojmë nga Komisioni Republikan Zgjedhorë të merr parasysh vërejtjet e anëtarëve të CESID-it që ishin prezent pranë kutiave të votimit që ta kthej një kopje të listave zgjedhore me nënshkrimet e qytetarëve që gjoja kanë votuar, në mënyrë që të zbardhen të gjitha manipulimet, me ç’rast, në momentin e vërtetësisë së manipulimeve të votave të qytetarëve, të argumentohet se anëtarët e këshillave të votimit shkelën regullat ligjore në procesin zgjedhor e që ne vlerësojme se këta duhet të përgjigjen para organeve të drejtësisë për shkelje flagrante të ligjit zgjedhorë.

Për Partinë Demokratike Shqiptare është absurd i kohës që në prag të shekullit XXI të ngjajnë dukuri nga shekulli i kaluar.

Më 22 janar 2007                                        Këshilli për informim i

Në Preshevë                               Partisë Demokratike Shqiptare