Amerikani që ka gjuhën 10.1 centimetra

Amerikani Nick Stoeber (21 vjeçar) nga Monterey i Kalifornisë e ka gjuhën e gjatë 10.1 centimetra dhe thotë se kjo është gjuha më e gjatë në botë.

Gjuha e Stoeber është matur si më e madhja në botë nga agjencia e cila matë rekordet e pabesueshme, Recordsetter, por ai ende është duke pritur vërtetimin nga libri i rekordeve Guinness.

Rekordmeni aktual është britaniku Stephen Taylor (50 vjeçar) i cili u regjistrua në librin e rekordeve Guinness pasi gjuha e tij mbërrin gjatësinë 9.8 centimetra, shkruan revista People.

Stoeber tash po sfidon Taylorin sepse thotë se atij i takon titulli dhe ai tashmë ka kontaktuar zyrtarët e Guinnessit për të vërtetuar deklaratat e tij. Matjet sipas standardeve të Guinnessit i bën një ekip i ekspertëve të cilët vërtetuan se kanë marrë një aplikacion nga Stoeber.