Bartësi i listës për zgjedhjet serbe - bartës i turpit të politikës shqiptare

Shkruan: Halil Selimi

Derisa shqiptarët e Luginës së Preshevës aspirojnë daljen nga llumi i politikës antishqiptare serbe, lidershipi i tyre po shtyhet në radhë për t’u zhytur sa më thellë në këtë baltë të gjallë, të kundershtuar me vite prej saj!

Daljes në zhgjedhjet qendrore serbe, shqiptarët, me të drejtën e tyre të dhunuar politikisht, kombtarish dhe ekonomikisht, nga politika diktatoriale serbe, iu kanë përgjigjur me një Jo të madhe edhe me sondazh!

Atëherë, kush do t’i legjitimojë me mandat serb deputetët shqiptare?! Dhe, çfarë interesa dhe vullneti politik do të percillnin këta mjeranë deputetë në parlamentit serb, kur edhe votat janë të detyruar t’i vjedhin, në emër të po atij popullit me vullnet dhe aspiratë të kundërt politike, që jetojnë me shumicë në këtë rajon të shtypur jo vetëm politikisht!

Kemi dëgjuar se i ligu edhe turpin dinë ta hajë me bukë, por qe edhe politika të hahet kështu, përveçse është quajtur edhe kurvë, nuk e kishim dëgjuar, ani se nuk duhet të jemi edhe aq të befasuar.

E po, kur politika gatuhet në guzhinat e Beogradit antishqiptar, le ta hanë dhe ju bëftë shëndet politik antikombëtar, llaskucëve tanë, qe shtyhen edhe për radhë në këtë tryezë maskaradë!

Halil Selimi
 Ish-anëtar i Grupit Negociator!