PRESHEVA.COM.::PORTAL::.

| Na shkruani | p.st@f | preemedia.com | Privacy |


	Newsletter Forumi Sondazh e-mail presheva.com Lexo POP3 email Oferta Ju për ne ... Interna


	Qasja e faktorit politikë në promovimin e zgjidhjes së çështjeve politike në Luginë të Preshevës Ethet politike për statusin e Kosovës ,ridefinimi i kufijve, modeli i konfederatës si dhe varijantat tjera mundshme të zgjidhjes së problemeve në rajon ka ngjall një shqetësim te qytetarët e Luginës fabrikimi i opsioneve që po komentohen në shumë qarqe të mediave botërore . Ndërsa , angazhimi i gjitha partive politike që veprojnë në Luginë për zhvillimet politike në rajon është nxjerrë në harresë për këto çështje , mendoj se kanë mundësi të bëjnë shumë tepër për çështjen e zgjidhjes së problemeve të shqiptarëve në Luginë të Preshevës. Partitë politike e kanë lënë në harresë platformën politike të miratuar nga tre kuvendet, mungon veprimi i natyrës së reaksionit ndaj këtyre opsioneve. Mirëpo, në këtë kontekst dua të them se edhe bashkësia ndërkombëtare, po edhe partitë politike shqiptare nuk duhet të llogarisinë në bujarinë dhe humanitetin e qeverisë së tanishme të Serbisë apo kujtdo qoftë në Serbi, por duhet të llogarisin në presionin që duhet t”ia bëjnë qeverisë. Mendoj se ne shqiptarët kemi nevojë që njëherë e përgjithmonë të shkëputemi nga mentaliteti dhe vetdija se jemi të pafuqishëm në politike, por na nevojiten reaksione dhe veprime në kohë. Nuk ka asgjë të pafuqishme në politike. Çdo lider është i fuqishëm pasi pas vetes bart votën e qytetarit, dhe në politikë duhet të gërmohet sikur minatori në xehe dhe duhet t”i gjejë ato forca të brendshme dhe t”i kanalizojë në drejtim të duhur nga qëllimet e interesit kombëtar e të përgjithshëm. Prandaj, në këtë rrafsh kërkoj nga subjektet pse s”ka reaksione para këtyre recetave që lansohen para faktorit ndërkombëtar nga qeveritarët serb, a do të thotë se tani liderët duhet të heshtin. Unë veten e shoh si pjesë të këtij procesi, si kontribut të një individi për realizimin e qëllimeve të një kolitiviteti. Kualitetet e këtij angazhimi nga të gjitha subjektet politike mund të jenë të ndryshme. Këto çështje janë të interesit të posaçëm për stabilitetin e tanishëm në Luginën e Preshevës për mos ndryshim të kufijve, gjë e cila ka polarizuar opinionin në këtë vend. Presheva sikurse edhe rajoni më gjerë ende vuan nga situata shumë e keqe ekonomike dhe nivelet e larta të papunësisë. Përderisa partitë politike shqiptare në Luginë në këtë drejtim ata nuk përdorin taktika të ndryshme për të rregulluar këto çështje teknike të statustit të shqiptarëve në Luginë ata kan pozita të ngjajshme në deklaratat e tyre. Është e rrezikshme dhe jo e drejtë që të vështrohet me një vështrim të njëjtë dinamika e proceseve politike në lidhje me zgjidhjen e statusit të Kosovës .Sidoqoftë ekzistojnë disa çështje që ndërlidhen me opsionin e ndarjes si recetë e fabrikuar nga qeveritarët serb që ia vlen të hulumtohet pasi ata ose kan një ndikim ndërkufitar dhe interes në aspektin ekonomik për koridorin 10. Hulumtimi i temave të këtilla është poashtu i rëndësishëm të shqyrtohen nga të gjitha subjektet për arsye se dinamika e bisedimeve nga 30 gushti do të përshpejtohet nga ndikimet e përfaqësuesve diplomatik e ndërkombëtar në këto rrethana kritike që po gjindet Kosova. Mungesa e vullnetit politik e kombinuar me mungesën e një strategjie do ta rëndonin shumë më tepër situatën në Luginën e Preshevës. Disa çështje kryesore që duhet të merren në konsideratë ku duhet ti adresojmë para faktorit vendor dhe ndërkombëtar. Shumica e këtyre çështjeve janë të ndërlidhura dhe kërkojnë veprim nga të gjitha subjektet politike. Adresimi i mungesës së përparimit ekonimik. Nuk ka pasur përparim adekuat në qeverisje dhe çështjet sociale dhe ekonomike që nga konflikti i dhunshëm Demitalirizimin e rajonit Procesi i decentralizimit. E shumë gjëra tjera që janë aprovuar në Platformën Politike. Këto qëndrime të qeveritarëve serb tek popullata në përgjithësi ka ngjall shenja brengosëse jo vetëm për statusin e përfundimtar të Kosovës, por edhe rreth asaj se çfarë do të jenë kufijtë e saj. Disa çështje duhet ti thojnë liderët tan se : Nëse procesi për statusin përfundimtar të Kosovës nuk udhëhiqet me kujdes dhe me përgjegjësi nga bashkësia ndërkombëtare dhe aktorët e treshes së caktuar, definitivisht se ekziston potencial për një valë të re të dhunës e cila do të minonte përparimin e arritur në të gjitha fushat tjera si në Kosovë, Luginë të Preshevës dhe Republikën e Maqedonisë.. Nëse statusi i Kosovës nuk zgjidhet apo nëse ai i zhgënjen njerëzit do të ketë probleme të mëdha dhe si rezultat i kësaj dë të ketë destabilitet në rajon. Udhëheqësi politikë që e drejton pushtetin lokal z. Ragmi Mustafa , si përfaqësues legjitim duhet ta luaj një rolë të rëndësishëm, posaçërisht duke marrë iniciativa si figurë qendrore politike në nivel lokal duke bërë përpjekje më efektive për avansimin dhe ngritjen e çështjes së shqiptarëve para faktorit ndërkombëtar. Pse mungon iniciativa siç janë misionet e përbashkëta të gjithë udhëheqësve politikë në kohën më vendimtare rreth takimeve me faktorin kosovar dhe grupin e unitetit për të dëgjuar zgjidhjet e propozuara që po diskutohen si opsione. Aktivitetet e subjekteve gjatë kësaj periudhe kohore brenda këtij procesi për zgjidhjen e statusit duhet të jenë më të ngjeshura si në nivel lokal dhe me faktorin Kosovar sepse popullata në zgjedhjet e ardhshme do të kërkon llogaridhënie politike. A kan subjektet tona politike ndonjë meny të hartuar që do ti ofronin ndonjë zgjidhje për Luginën në programet e tyre partiake për ndërmjetësim apo negocijim që do të ket mbështetje para faktorit ndërkombëtar. Përderisa agjensionet e jashtme nëpërmjet mediave lansojnë opsione të tilla ku mund të jenë kataliazator të disa veprimeve të sjelljes së liderëve serb për manipulime politike që po i servojnë mediave dhe gjithë opinionit publik ka potencial për të ngritur dhunë. Adresimi i shumicës së këtyre çështjeve është për të gjitha subjektet politike në radhët e politikanëve, shërbyesve publik dhe të gjithë popullatës. Por më tepër nevojiten aktivitete më të mëdha për vetëdijësimin e opinionit, një ndarje e qartë e përgjegjësive si nga ana e pozitës dhe opozitës, pra për të gjitha këto procese që nevojiten të ngriten para faktorit ndërkombëtar e vendor për të qen më të suksesshëm në politikë. Avni Selimi

Rreth Presheva.com \| Privacy \| Kontakt \| Newsletter

	© 1997-2007 Presheva.com. Të gjitha të drejtat e rezervuara.