Opinon

Çfarë qeverisje lokale presim pas 11 majit?

Avni Selimi

Vëmendja e opinionit të qytetarëve Preshevarë është e përqëndruar te procesi zgjedhor i tanishëm dhe sidomos te rezultati i zgjedhjeve, i cili do të tregojë se si do të jetë konfiguracioni i parlamentit të ardhshëm komunal.
Edhe 41 ditë na ndajne nga rituali zakonshëm që ndez maksimalisht çdo katër vjet politikën në Luginë të Preshevës për të përcaktuar forcën (forcat) që do të qeverisin Komunën e Preshevës, Bujanocit, Medvegjës në katër vitet e ardhshme. Këto zgjedhje lokale dhe parlamentare kan mjaft rëndësi për jetën ekonomiko-shoqërore dhe politikën e vendit, pasi rezultati zgjedhor do të përcaktojë mënyrën e qeverisjes dhe politikat e strategjitë që do të zbatohen. Shumë më tepër se zgjedhjet tjera fushata zgjedhore për datën 11 maj po tërheq vëmendjen e ekonomistëve, juristëve , arsimtarëve, mjekëve, artistëve, agronomëve ,biznismenëve dhe qytetarëve sepse do të presim ballafaqime të vazhdueshëme platformash dhe programesh politike, të cilat premtohen për t’u zbatuar nga forcat politike që i paraqesin në rast se ato fitojnë të drejtën e qeverisjes.

Tash më sytë dhe veshët do të na mësohen me sloganet e ndryshme, pankartat, spotet dhe debatet televizive. Në një periudhë dy mujore do të përballemi me skaje të ndryshme të premtimeve politike të liderëve që në këtë garë elektorale secili ka krijuar parashikimet e veta dhe me preferencat më të mundshme dhe më të arritshme të arrij rezultat për të fituar përqindje më të madhe të elektoratit nga kandidatët e propozuar për deputet nga secili subjekt në ato zona elektorale. Kryetarët e forcave politike po përgatitin për prezentim të listës së 38 kandidatëve në zonat e ndryshme elektorale. A ia vlen gjithë ky mundim? Sigurisht që po.

Më 11 korrik çdo qytetar i Preshevës ka në dorë çelësin magjik të ndryshimit, votën e tij të lirë. Ky rast vjen një herë në katër vjet ndaj e ndjej për detyrim si njëri nga ju për të folur sy ndër sy me bashkëqytetarët e mi : vëllezër e motra! Mendohuni mirë para se të hidhni në kuti votën tuaj!

Besoj se në këto zgjedhje elektorati i komunës së Preshevës do të arrij të analizoj dhe vlerësojë momentin madhështor të kalimit pushtetit nga një grup politik në një tjetër ( PVD në PDSH ) siç është kalimi i pushtetit në vitin 2004 në duart e subjektit , të PDSH –së së bashku me partnerët e koalicionit ( LKSH dhe BDL ).

Zgjedhjet e përgjithshme politike të 11 majit 2008 në Republikën e Sërbisë përbëjnë, si asnjëherë më parë, gurin e provës që qytetarët e Preshevës të kuptojnë dhe të ndërgjegjësohen duke marrë parasysh këto përvoja të kohës së kaluar, se sa PDSH-ja gjatë fushatës 2004 mbështeti politikën e afirmimit të saj duke u thirur në moton ,,votoni për ndryshime “ duke u përcaktuar me këto apele politike dhe duke premtuar se me ardhjen e saj në pushtet do të ndërroj imazhin e qeverisjes në administraten komunale. Por deri më tani nuk ka asnjë rezultat konkret, serioz dhe aq më tepër impresionues nga qeverisja katërvjeçare në drejtimin pozitiv. Përkundrazi, ne si opozitë vërejmë akumulim problemesh në infrastrukturë, ekonomi , arsim, shëndetësi, kulturë, sport, urbanizëm, mirëqenie sociale etj.

Kur erdh në pushtet PDSH-ja, çdo vendim apo veprim politik që kundërshtohej nga opozita ( PVD –ja ) duke dhënë vërejte se këto vendime janë në kundërshtim me dispozitat ligjore apo statutare lidhur me shkarkimet dhe emërimet të drejtorive në institucionet e caktuara, për ne si opozitë këto sjellje të tilla i konsideronim si marrëzi patologjike e plogshtisë politike të pushtetit aktual, me mënyrën e votimit që mbisundoi në Kuvendin komunal me debate maratonike për një pikë të rendit të ditës, këto gjëra aspak nuk janë analizuar nga pozita në pushtet. Jo vetëm kaq, PDSH-ja u zotua për ndryshime në zgjedhjet e kaluara kur që në fillim të seancës së parë pas marrjes së pushtetit lokal filloi të vendos rregulla të reja duke filluar nga kryetari i Kuvendit që filloi me demostrime jo demokratike nëpërmjet të ndikimit politikë të kryetarit të komunës z. Ragmi Mustafa, si reformator i vet emëruar i pushtetit lokal. Por tani qytetarët janë bërë shumë të ndjeshëm, dhe më të aftë, të kuptojnë cektësinë e këtyre politikanëve të moderuar që me premtimet boshe e me fjalë nuk mund të na hipnotizojn gjatë kësaj fushate elektorale. Është i dështuar modeli i këtij politikani, i cili mendon se rëndësi, kanë fjalët fraziologjike që thuhen apo vërtetësia e premtimeve, duke menduar se janë harruar konceptet politike “homo ideologicus” : ngritja e spitalit, , Këshilli nacional, gjendja aktuale e arsimit shqip dëshmon edhe më tej tendencën e status-quosë, duke reflektuar të njëjtat dobësi nga e kaluara , mos zgjidhja e problemeve në arsim – sidomos ( harmonizimi i teksteve me planprogramet shkollore nga Kosova në lëndët që kanë të bëjnë me gjuhën, kulturën, historinë kombëtare, artet figurative, gjeografi etj, që nëpërmjet kombinimit të politikës në nivel republikan me politikën e decentralizimit të arsimit përmes qeverisjes lokale, përdorimi zyrtar i gjuhës shqipe në dokumentet administartive , përdorimi i flamurit në festat kombëtare etj. Padyshim fjalët boshe, nuk do të ken efekt të përdoren gjatë kësaj fushate , për shkak se për një kohë të gjatë, ka qenë tema bombastike në konceptet politike katër vjeçare në zgjedhjet lokale të kaluara dhe me këto koncepte të deformuara si “homo ideologicus” nuk duhet të jen tem e këtij politikani që dëshiron dhe pretendon që me këto fraziologji boshe të depërtoj në kapilarët e qytetarit vetëm sa për të ardh në pushtet. Më vjen keq ta them, por PDSH –ja që nga fillimi e ka shprehur hapur qëllimin se qeverisja për ta më shumë ka qenë një mjet me anë të cilit ata kanë realizuar rritjen aritmetike të partisë së tyre duke emëruar inspektora dhe drejtora duke plotësuar apetit personale e klanore , por nuk duhet të harrojnë se këtë kosto do ti paguajnë gjatë këtyre zgjedhjeve. .

Sipas këtij koncepti, ka shumë politikanë që synojnë në Luginë të Preshevës që përmes këtij koncepti dëshirojnë të eksponohen në publik që deri më tani kan të dal në debate televizive , të suksesshëm me oratorin që posedojn për ta bindur elektoratin me ide të kaluara, e jo me zgjidhjen e problemeve konkrete të miratuara në platformën politike nga tre Kuvendet Komunale. Por, tashmë në Preshevën e vitit 2008, votuesit kan shumë pyetje për pushtetarët e PDSH-së dhe partnerët e këtij koalicioni. Tani pas katër viteve të gjithë qytetarët e Preshevës pyesin veten se ç’u bë me mos realizimin e shumë premtimeve të njohura duke ushqyer dhe bindur elektoratin me entuziazmin ngjitës e elektrizues që pas konfliktit të armatosur duke i infiltruar edhe disa figura të luftëtarëve të lirisë. Por, u përdorën metodat më radikale për rrëzimin e pushtetit lokal të qeverisur nga PVD –ja dhe kështu e fituan pushtetin me premtimet e njohura që nuk e panë dritën e realizimit këto projekte dhe objektiva të parapara nga partia në pushtet. Dhe “revolucionarët e PDSH-së ” edhe tani u kërkojnë qytetarëve që të presin edhe pak pas panvarsimit të Kosovës se do ti realizojnë këto premtime të dhëna për zgjidhjen e problemeve shoqëroro – ekonomike, e politike etj . Formimi politik i qytetarëve të Preshevës, në këto zgjedhje të 11 majit iu mundëson atyre të ndajnë të vërtetat nga iluzionet, arritjet nga dështimet dhe të dijnë të bëjnë diferencën e madhe të backgroundit dhe kapaciteteve intelektuale të secilit lider politikë, në mënyrë që këtë radhë të zgjedhjeve të jenë në gjendje të vendosin përfundimisht për të ardhmen e tyre edhe të trashëgimisë politike që do të lënë pas. Po ashtu , qytetarët e Preshevës e dinë mirë sa është e rëndësishme se kush do të jetë drejtuesi i pushtetit katërvjeçar pas 11 majit. Tani shtrohet pyetja ?

Sa arriti subjekti politik i PDSH-së në qeverisjen e pushtetit lokal të përmbushë angazhimet që mori para elektoratit të tij në zgjedhjet e kaluara 2004 - 2008?

* nuk ka pas progres por prapambetje në investimet infrastrukturore në qytetin e Preshevës dhe në zonat rurale .
* ka pas ulje në drejtim të absorbimeve financiare nga organozatat e huaja si donatore ( CHF –ja ) dhe organizatat tjera duke e bërë një bilanc të krahasimeve nga periudhat e mëparshme të investiemeve që nga viti 2001 – 2004 dhe nga viti 2004 – 2008 kur në pushtet është PDSH -ja.
* Asnjëher nuk ka bërë transparente në detaje të gjithë planin investiv për projektet prioritare për vitin 2007
* nuk ka prezentuar investimet e bëra për secilin projekt dhe rezultatet e tyre në finalizimin e këtyre projekteve.
* Nuk është angazhuar në ndarjen proporcionale të buxhetit për organizimin e aktiviteteve për Festivalin e komedisë, RTV ALDI dhe teatrin gjysëm profesional në Preshevë, pasi punonjësit e Kulturës e kan derdhur energjinë dhe talentin e tyre në iniciativa vetanake dhe grupore .
* Papërgjegjshmeria politike e drejtuesve të qeverisë aktuale , te të cilët është se dështimin kërkojnë t’ja lënë drejtorateve të administratës, të cilët po vetë i kanë zgjedhur.
* Qytetarët e disa bashkësive lokale janë të shqetesuar për bllokimin e plotë te investimeve në infrastruktur veçanërisht ato me rëndësi jetike si infrastruktura rrugore, ujësjellesat,si dhe në fushat që lidhen drejtpërdrejt me shërbimet ndaj popullsisë si arsimi dhe shëndetësia.
* Përqindja skandaloze e realizimit të investimeve publike vetëm në masën 48 për qind është një tregues që nuk ka nevojë për koment.
* largimet pa kriter të inspektorve , drejtorave të shkollës, pranimi i njëanshëm i punëtorëve në administratën publike të pushtetit lokal , ka shkaktuar nje kolaps te veprimit ekzekutiv të qeverisë që reflektoi shumë shpejtë demagogjinë elektorale të ndryshimit, ngutja për shkarkime e emërime në institucione për revansh politikë...........!

Këto fakte të rëndësishme janë tregues të qartë se drejtuesit e PDSH-së nuk janë në gjendje të pranojnë dhe të kontrollojnë konfliktin që ekziston tek ata , mes aspiratave dhe premtimeve, të cilat nuk përputhen me aftësitë drejtuese dhe menaxheuese të tyre. Me këtë inflacion antivlerash që po imponon PDSH-ja nuk mund të mbërrijë as në "bursën e premtimeve të vitit 2004" andaj nëse njeriu i rilexon të gjitha tekstet e deklaratave, komunikatave, kumtesave dhe i rivlerëson qëndrimet politike të Ragmi Mustafës për zgjedhjet parlamentare e lokale, vërej se analizat e tij kan të bëjnë me të kaluarën e cila nuk korigjohet, ndërsa qëndrimi i tij politik mbështetet vetëm mbi një koncept : I armatosur me atdhetari dhe shqiptari të theksuar, Ragmi Mustafa këto ditë shpjegoi atë që e di çdo fëmijë ballkanas: ku me bashkëlojtarët e vet partiak, këto ditë e kan vetëm hallin e hartave etnike siç ishte ,, ILIRIDA “.Por sot kur e tërë bota është e orientuar për “integrime institucionale” ne shqiptarët e Preshevës nuk duhet të jemi të bezdisshëm para faktorit ndërkombëtarë që ne si etnitet nuk kemi qëndrime të unifikuar rreth zgjedhjeve parlamentare , kur edhe zogjtë e dinë se kush i vizaton hartat shtetërore ,, Fuqit botërore “nuk ka pse të mos flitet hapur se çka kërkojnë shqiptarët e Luginës së Preshevës përmes Platformës politike të miratuara nga tre Kuvendet. Por duhet pasur një plan strategjik e politikë pasi këto zgjedhje parlamentare e lokale për shqiptarët e Luginës është që ata të dijnë që ora politike globale duhet të punoj në interes të qytetarëve, por një pjesë e madhe e elitave tona politike e shoqërore më mirë ndjehen kur komentojnë idetë nga e djeshmja se sa të merren me qartësimin e rrugëve që duhet të na çojnë drejtë të nesërmes.



29.03.2008