Opinion

Globalizimi dhe Teknologjia Informative

 
Një përkufizim ndihmues për konceptin e globalizimit e dha profesori amerikan Çarls Doran i cili spjegoi fenomenin e globalizmit si “Ndërveprim i teknologjisë informative dhe ekonomisë globale”.


I stimuluar nga zhvillimi rapid i avancimit të teknologjisë informative në pesëmbëdhjetëvitëshin e fundit dhe refleksioni i saj në ndryshimet e mëdha në ekonominë botërore që kanë ndikuar në ndrrimin e relacioneve në mardhëniet ndërkombëtare në aspektin gjeopolitik dhe ekonomik , jam motivuar që sadopak me modesti të bëj një trajtim profesional të kësaj tematike që është në trend me konatacionin kohor të ditëve të sotme.
Në fushën e ixhinierisë dhe shkencave kompjuterike superfuqitë ekonomike botërore si SHBA , Rusi, Indi, Kinë, modernizimin e teknologjive të reja në fushën e Informacionit dhe elektronikës e shohin si prioritet në rrafshin e sigurisë dhe sovranitetit të tyre kombëtarë.Vetë fakti se origjina e zhvillimit të Rjeteve kompjuterike-Interneti (World Wide Web) , ka qenë në Departamentin e Mbrojtjes së SHBA-ve (Department of Defense) , është një indikator i qartë se shpikja dhe inkorporimi i komunikimeve elektronike përmes rrjetave kompjuterike u bë për herë të parë në programet për modernizimin e ushtrisë me pajisje intelegjente .
Pa u detajizuar në faktografinë e zhvillimit të teknologjive informative dhe elektronike nga trajtimi profesional do të isha zhvendosur në trajtimin e globalizimit ,koncept që është i ndërthurur drejtëpërdrejtë me Teknologjinë Informative.

Globalizimi dhe sfidat e tij

Për të bërë një tretman shkencorë dhe gjithëpërfshirës për fenomenin e globalizimit ,vërtetë është vështirë të përmblidhen me pak fjalë por thjesht do ndalem tek zanafilla e tij si dhe ndërvarësinë dhe relacionin e tij me Teknologjinë informative,që koiçidon me profesionin tim.
Një përkufizim ndihmues për konceptin e globalizimit e dha profesori amerikan Çarls Doran i cili spjegoi fenomenin e globalizmit si “ndërveprim i teknologjisë informative dhe ekonomisë globale”.
Sipas dijetarit dhe ekspertit të mardhënieve ndërkombëtare Zbigniew Brzezinski globalizimi nënkupton ristrukturimin makroekonomik që reflektoi në shkallë globale ,eksperiencën qëndrore të revolucionit industrial në nivel kombëtarë ,specializimi dhe ekonomitë në nivel gjenerojnë avantazhe krahasuese që nxisin zhvendosjen e industrisive janë më përfituese.
Globalizimi sfidon dy komponenta hapësirën dhe kohën.Globalizimi e ka arritur objektivin e vet duke iu falënderuar zhvillimit të hovshëm të teknologjisë elektronike,informative.Është sfiduar koha dhe hapësira për faktin se sot përmes Postës Elektronike,World Wide Web-Interneti komunikimet ndërnjerëzore ,transaksionet bankare , shkëmbimet valutore e shumë shërbime tjera kryhen përmes teknologjisë informative (IT).
Megjithatë sot kemi edhe kundërthënie ,joçuditërisht kundër globalizimit e veçenarisht për atë që lidhet me Amerikën , ka edhe një motiv të fuqishëm kulturorë(Produktet Made in USA).Sipas disa analistëve ,kritikëve perveç promovimit të globalizimit për arsye egoiste politike dhe ekonomike Amerika po hyn në një imperializëm kulturorë vetëshërbyes. Në të vërtetë këta kritikë e shohin globalizimin si sinonim me amerikanizimin ,imponim i amerikanizimit në kombet tjera ,imponim i mënyrës së jetesës amerikane që çon në hegjemonizëm kulturorë të botës sipas mënyrës amerikane.edhepse këto mund të vlerësohen si politikisht djallëzore porse sigurisht se ka elemente që janë tregues i mire i hegjenomisë amerikane në ditët e sotme.
I ngacmuar nga ky vlerësim dhe i prirur nga optika realiste kemi sinjale negative sot në shoqërinë shqipëtare ,kemi një krizë identiteti , këtë më së miri e vërtetojnë dukuritë negative si droga , prostitucioni ,korrupcioni që janë përhapur në masë të madhe dhe amplitude po shkon drejt rritjes, që nuk sjellin asgjë tjetër pos degradim moral , degjenrim të vlerave kulturore e të gjitha këto janë indikator i rrezikshëm se shoqëria jonë po rrugëton drejt humbjes së identitetit të vet që është kultivuar me shekuj nga brezat tonë parardhës.
Që nga viti 1990 gjatë një dekade të qetë SHBA-të theksuan tri tema kryesore si parimet e reja përcaktuese të angazhimit të saj me botën. Nga presidenti Xhorxh H.W.Bush ato u përmblodhën me tri fjalë :Rendi i Ri Botërorë.Në njëfarë mënyre koncepti të kujtonte iluzionet e ndezura për pak kohë pas vitit 1945 se koalicioni i Luftës së Dytë Botërore do të shërbente si shtyllë e nje Rendi të Ri Botërorë më paqësorë dhe më bashkpunues nën mbrotjen e OKB-së së krijuar rishtas.”Rendi i Ri Botërorë” i viteve 90-ta ngjajshëm qe krijuar me një shpresë të rreme që fitorja e Luftës së ftohtë nga Amerika do të shoqërohej me hyrjën në një sistem të ri global të bazuar në ligjshmëri dhe demokraci të përhapur.Herë pas herë si më 6 mars të viti 1991 kur iu drejtua kongresit, presidenti Bush do të shfryhej thujase emocionalisht :” Tani ne mund të shohim një Botë të Re që po shfaqet”.Një botë në të cilën për një Rend të Ri Botërorë.
Edhepse presidenti Klinton pajtohej me këtë premisë optimiste ai theksoi porosinë e revolucionit ekonomiko-teknologjik në formën e një bote me më pak kufijë më pak të kontrolluar me një ndërvarësi ekonomike më të madhe dhe më pak varësi në pushtet politik. Për të nuk bëhej fjala aq shumë për një Rend të Ri Botërorë sesa për dimensionimin dashamirës të globalizimit.”Është realitet qëndrorë i kohës sonë” deklaronte Klintoni para kongresit më 27 janar të vitit 2000 .Ai pa në këtë fenomen të ri shpresën kryesore për njerëzimin dhe një shans të madh për Amerikën si mbartëse standarde e tij , si promotor kryesor dhe si përfituese më e madhe e Globalizimit u bë koncept i përkëdhelur i presidenit Klinton.
Vizionet shpresëdhënëse , ose të Rendit të Ri botërorë ose të bashkpunimit të mirëfilltë global, u shuan dhunshëm më 11 shtator 2001.Brenda një viti , presidenti i ardhshëm amerikan Xhorxh W.Bush shprehin një vizion më kërcënues për të ardhmen me një koncept të ri për politikën e jashtme të SHBA-ve hegjenomi globale në luftë kundër terrorizmit. Lëvizjen amerikane për globalizimin e zëvendësoi “kualicioni i të vullnetshmëve “ të udhëhequr nga Amerika me formulën maniçiane “kush nuk është me ne është kundër nesh”.por megjithatë dilemat e Amerikës në kohën e globalizimizimit mbeten në balancën në mes hegjenomisë sovrane dhe një komuniteti global të udhëhequr nga fenomeni I globalimit .
Sot në politikën botërore si në rastin e pavarësisë Kosovës , në politikën e Ballkanit poashtu edhe në konfliktet në lindjen e mesme në mënyrë pragmatike vërehet një bërthama e stabilitetit global,politik,ekonomik mes SHBA-ve dhe Bashkimit Europian ,bashkveprimi i tyre në në menaxhimin e politikave botërore është një sinjal thumbues se SHBA dhe BE sot janë të gjithëpushtetshme përballë të tjerëve (Rusisë , Kinës).

Blerim Shabani, bachelor i ixhinierisë kompjuterike –Fakulteti i Elektroteknikës