10 këshilla për femra gjatë Kampionatit Botëror

1.  Të gjitha femrat që shfrytëzojnë një hapësirë banimi së bashku me meshkuj nga 9 Qershori deri më 9 Korrik 2006, duhet të lexojnë lajmet  e sportit! Kjo është mundësia e vetme që të vini deri te informacionet që kanë lidhje me Botërorin, përndryshe nuk kanë çka të bisedojnë me gjininë e kundërt.

2.  Gjatë kampionatit botërorë, lufta për telepilot NUK Ekziston! Të gjitha pjesëtaret e gjinisë së bukur kanë mund të përdorin TV-në në çdo kohë të ditës përveç gjatë kohës së ndeshjeve (64 ditë!) apo ndonjë lajmi për kampionatin. Kësaj rregulle duhet t'i përmbaheni rreptësishtë, përndryshe i dashuri i juaj do të largohet nga foleja e ngrohtë familjare dhe do të shpërngulet tek nëna e tij. A ka ndëshkim më të madh?
 

3.  Gjithë meshkujt gjatë Botërorit do të jenë të shurdhër, të verbër dhe memec! Nëse nuk besoni, provojeni këtë kur luan skuadra e adhuruar e të dashurit tuaj duke u pozicionuar para televizorit. As që do t'ju vërejë! E vetmja mundësi për të tërhequr vëmendjen është kur t'i dërgoni ndonjë birrë të ftohtë nga frigoriferi apo diçka për të ngrënë.

4.  Nëse dëgjoni se skuadra e adhuruar e të dashurit tuaj ka pësuar disfatë, kurrsesi mos thoni "I dashur, mos u mërzit, kjo është vetëm lojë". Silluni normalisht dhe më mirë është të heshtni deri sa t'i kalojë mllefi.

5.  Nëse dëshironi t'i thoni diçka të dashurit tuaj gjatë ndeshjes koha e vetme për të folur është përfundimi i pjesës së parë apo reklamat. Fjalitë e tipit: "I dashur, pse nuk po fol me mua?", "Më shumë e donë futbollin se mua?" mund t'ju sjellin probleme dhe të merrni përgjigje që nuk dëshironi.

6.  Ritransmetimet e situatave të dyshimta janë të një rëndësie të veçantë! Çdo mashkull është në gjendje që deri në shtatë herë të shikojë xhirimin e përsëritur me të njëjtin emocion! Detyra juaj është që në atë kohë kurrsesi të mos i pengoni, apo gabimisht të thoni se kjo është një gjë e kotë.

7.  Thoni shoqeve, të afërmve, fqinjëve dhe të gjithë të njohurve të tjerë që assesi të mos vijnë me bebe apo fëmijë të vegjël! Si edhe ju, ka raste që edhe fëmijët nuk e kuptojnë rëndësinë e një ndeshje futbolli, kështu që kujdesuni për qetësi gjatë orarit të ndeshjeve.

8.  Dalja pasdite në kafiteri është e pamundur! Edhe nëse e bindni që gjatë pushimit të pjesës së parë të dilni nga shtëpia, ai gjithsesi do të jetë i interesuar pas ndeshjes e cila zhvillohet atë natë. Mos mundoheni të nënvlerësoni ndeshjet që luhen. Çdo ndeshje është e rëndësishme, si sekuencat e shkurtuara ashtu edhe lajmet e sportit.

9.  I dashuri i juaj tash e katër ditë nuk i ka ndërruar çorapet edhe pse jashtë është 30 gradë celsius! Këmbët e tij kundërmojnë deri në atë masë që nuk tolerohen, por në ato çorape skuadra e adhuruar e të dashurit tuaj e ka mundur rivalin e vet më të rrezikshëm dhe ato çorape do t'i bartë edhe në dy ndeshjet e ardhshme. E vetmja zgjidhje e juaj është të shkoni te "të tutë" apo te ndonjë shoqe deri sa skuadra e adhuruar e të dashurit tuaj të eliminohet nga garat e mëtutjeshme.

10.  "Shyqyr Zotit që Kampionati Botërorë është çdo katër vite" do të thoni ju më 10 Korrik por mos u gëzoni shumë para kohe. Pasojnë Champions Leauge, UEFA Cup, Premier Leauge, Serie A, tani vijnë bastoret, e kështu me radhë. Nuk keni çka bëni, kjo sëmundje është e pashëruar. Vështirë është që të këshillohen femrat, të cilat nuk kanë mësuar kinse ju intereson futbolli, përveç nëse blejnë ndonjë fanellë të përfaqësueseve që marrin pjesë në kampionatin botërorë. Nuk ka lidhje se nuk njihni asnjë futbollist të asaj përfaqësuese, me rëndësi është t'ju pëlqejë ngjyra e fanellës!!

 
© presheva.com