"Le të jetë 2007, vula e pavarësisë së Kosovës dhe një bashkimi natyror...

"Më kujtohet, për ti treguar të tjerëve, se jam shqiptare, vishja një par trenjerka me flamurin kombëtar kuqë e zinjë dhe ishin trenjerka me motiv të luftës, që shpesh edhe bisedoja me mikeshat e mia finaliste, për luftërat që ka pasur kombi ynë, i flisja për gjërat e tmerrshme që iu kanë bërë popullit tim dhe për një ndarje të madhe gjeografike që e kemi ne shqiptarët. I thoja, se shqiptarë ka me milion në Turqi, çamëri me mijë, Shqipëri, Arbëri, Preshevë, Malci, Maqedoni dhe Kosovë, një popull jemi, kemi një gjuhë dhe na kanë ndarë padrejtësisht".

Zürich, 29 dhjetor - Këngëtarja tashmë e njohur Arjeta Zhuta rrëfen për kombëtaren "Bota sot", detaje nga jeta e saj artistike, private dhe profesionale; kontaktet e para me këngën, dashuria e saj për të marrë pjesë në një spektakël të njohur PopStars që u mbajt në Gjermani, pasioni për këngën dhe deri tek pikat e forta dhe të dobëta të karakterit, që është edhe njëherit intervista e parë e realizuar nga një medium shqiptarë. Arjeta Zhuta është e bombarduar nga mediat gjermane dhe ato zviceriane, nga televizioni Pro 7, Tele Züri, SF1,
Blic, 20 Minuten, revista prestigjioze FHM dhe shumë e shumë të tjera, e krahasuar, si engjull i artit të këngës në Zvicër. Arjeta vlerëson modestinë, çmon jashtëzakonisht figurën e femrës dhe kontributin e saj në të gjitha fushat e jetës, e në veçanti nënën mërgimtare. Për finalisten e spektaklit më të madh që mbahet në Gjermani, prej një jurie profesionale, finalistja e PopStars Ari, vlerat dhe virtytet e femrës në një shoqëri janë të patjetërsueshme. Kënga dhe familja kanë qenë gjithnjë primare për Arjetën. Midis ofertave të ndryshme që i vijnë tashmë për të marrë pjesë në aktivitete muzikore jashte Zvicrës, Arjeta zgjedh vetëm ato që nuk cënojnë prioritetin e saj, familjen. Pasioni më i madh i artistes është studimi, që pretendon të bëhet advokate e përgatitur dhe ti kontribuojë bashkatdhetarëve këtu në Zvicër, që kanë probleme të ndryshme. Kontaktet e para me muzikën, Arjeta i ka patur shumë herët, si fëmijë me disa këngë, që njëherë edhe babai i saj e kishte qarosur me 500 franga zviceriane, si dhuratë që ka kënduar shumë bukur dhe ka marrur duartroktje të madhe dhe duke qeshur Ari na thotë, se ende nuk ja ka kthyer. Në kohën kur muzika shqiptare mbizotërohet nga rrymat komerciale, efektet elektronike dhe videoklipet marramendëse herë të vjedhura e herë gjysmë lakuriqe, nga mërgimi, Arjeta si Ambasadore e artit të muzikës, ka marrë përsipër të kthejë muzikën e vërtetë tek dëgjuesi, si dhe duke u kenuar para kompozitorëve gjermanë dhe atyre zvicerina, se ne shqiptarët kemi art të mirëfilltë.

Me mundësi shumë të kufizuara, pa sponsor të fuqishëm dhe ende shumë pak e njohur në skenën muzikore shqiptare, ajo bënë muzikën që ndjenë, pa u preokupuar për fitimet që do të nxjerrin prej saj dhe çmon ata këngëtarë e këngëtare shqiptare, që po mbijetojnë pa rrymat komerciale. Pas mbrëmjes finale të mbajtur në Köln të Gjermanisë, që Arjeta qëndroi katër muaj larg familjes, por e ushqyer gjithnjë me njohur të reja të artit të muzikës bashkëkohore, me një perfomancë të shkëlqyer, mundi ti kalojë 5000 kandidate për të arritur gjerë në finale.Kudo që është gjendur me kurorën e finalistes, ajo ka prezentuar edhe realitetin shqiptar e sidomos asaj femërore, duke përmendur edhe perëndeshën e bukurisë Dea, pastaj duke u krenuar me flamurin kombëtar me shqiponjën dykrenore.Prej gjashtë vajzave finaliste, tri ishin ato që fituan të formohet shoqëria Monrose nga «Popstars».Duke rikujtuar lexuesit, se Arjeta Zhuta, ka dhënë shumë intervista për mediat gjermane dhe ato zviceriane, kishte ruajtur diçka të veçantë pa thënë për mediat shqiptare,
prandaj do keni rastin të njiheni edhe më shumë për ato ngjarje interesante.Deri më tashë, ka nënshkruar jo më pak se 6000 kartolina me foton e saj adhuruesve në Zvicër dhe Gjermani.


Arjeta Zhuta-pseudonimi Ari, banon në Uitikon Waldegg (Zvicër).Datëlindja 12.11.1986.Studente e Fakultetit Juridik-Zvicër. E gjatë 1,60 m, e rëndë 52 kg, ngjyra e flokëve e kaftë, sytë gështenje, e lindur në Strug. Hobi: Kënga, vallëzimi, fotografia, ecja me miqë, ushqimi i mirë dhe leximi.

Bota sot: Kush është Ari jashtë skenës, kamerave dhe mikrofonit?

Arjeta Zhuta: Përshëndetje Juve dhe gjithë stafit drejtues të kombëtares "Bota sot" dhe gjithë kombit tim urime festat e fundvitit, shpresojmë se viti që do hyjmë, do jetë vit më i mirë për kombin tonë në përgjithësi. Është kënaqësi dhe po ndjehem shumë mirë, që po jap një intervistë të parë në gjuhën time amtare. Është e vështirë të përshkruaj veten, por do ti them
dy fjalë, e sinqertë, e qelur për shoqëri, e dashur për familjen, e përpiktë, me një fjalë e qeshur gjithnjë edhe atëherë kur jam e lodhur. Kam lindur në Strugë, që më merr malli gjithnjë për qytetin tim të lindjes.E falënderoj familjen time, sepse kam pasur një fëmijëri të shëndoshë. Një vajzë e punës, jo e paragjykimeve, modeste dhe studiuese.

Bota sot: Kur të thërrasin Ari ndjehesh mirë apo me emrin tuaj Arjeta?

Arjeta Zhuta: Edhe para se me marr pjesë në PopStars, prindërit e mijë më kanë thirrur me nofkën Ari, jo si shkurtesë e emrit, por kuptohet, prindi ndaj dashurisë me fëmijë e vet, pra më kanë krahasuar me Ari. Në Gjermani, ashtu edhe ndodhi rastësisht, që shoqet e mia, më thërrishin Ari, Ari dhe më mbet ashtu Ari. Më mirë ndjehem, kur më thërrasin me emrin tim Arjeta.

Bota sot: Kush ju ka shtyrë të merreni me muzikë?

Arjeta Zhuta: Që kur isha gjashtë vjeçe kam kënduar para kamerave dhe një publiku të madh.Mbështetjen e parë e kam marrur nga babai.Jam Veleshtare dhe në çdo manifestim që është organizuar nga Veleshtarët këtu në Zvicër, që është tradicional, kam kënduar me kënaqësi dhe jam përkrahur. Më kujtohet njëherë, nuk këndova edhe aq mirë, ashtu mua më dukej, por pata duartrokitje nga të pranishmit dhe babai im, mi dhuroi 500 franga. Gjithnjë në shtëpi këndoja, vallëzoja, edhe kur babai im më këshillonte për diçka të mirë, unë këndoja, prandaj jam e qeshur, sepse kënga është burim i jetës.Falënderoj nga zemra për shumë herë babain tim, që përveç këngës, më ka motivuar të kryejë gjimnazin në Zvicër me suksese dhe të vazhdoja studimet në Fakultetin Juridik në Zürich, që shpresoj, se bashkë me këngën do të ecë edhe Fakulteti, e bashkë me këto të dyja, do të jem edhe më e dashur për babain dhe familjen në përgjithësi.

Bota sot: Ia keni kthyer 500 sfr babait?

Arjeta Zhuta: Qeshet. Interesant pyetje. Prandaj flas me Ju ashtu siq jam, pa e cenzuruar shpirtin tim.Jo, nuk ia kam kthyer, por këtë kthim, ia kamë bërë me suksese dhe përqafime dhe me urata.

Bota sot:Kujt ia rrefeni sekretet tuaja?

Arjeta Zhuta: Sekretet ia tregoj nënës sime dhe që është edhe shoqe e imja. Jam rritur në mesin e popullit zvicerian, por me gjakë, shpirt, gjuhë dhe traditë jam shqiptare.Sekretet i araqes me këngë edhe pse nuk ka të bëjë me tekstin e këngës.Edhe me shoqëri e ndaj sekretin, si me ate shqiptare dhe ate zviceriane. Nuk dua ti harroj traditat tona kombëtare që janë shumë të
mira.

Bota sot:Përveç muzikës, me çka tjetër do t'ju pëlqente të merreni dhe pse?

Arjeta Zhuta: Nuk dua që përmes muzikës të bëjë para.Muzikën e kam në shpirt, nuk dua të komercializohem me këngë. Do kryejë studimet në Fakultetin Juridik në Zvicër dhe do të kontribuojë me profesionin tim advokate, që shumë mërgimtarë kanë probleme të sferave të ndryshme, jo që nuk ka advokatë, por dua të jem një advokate e mirë e sinqertë dhe të
shërbejë edhe për vajzat, nënat shqiptare, pavarësisht problemeve që i kanë larg atdheut.Më pëlqen të merrem me muzikë dhe me studime në profesionin tim final-Juridiku.

Bota sot: Si erdhi mundësia që të konkurosh në PopStars?

Arjeta Zhuta:Në prezentimin e parë, para Jurisë dola me këngën Kiss nga Princ, që më dridhej trupi dhe kisha shumë emocione, jo pse humbja, por doja të merrja pjesë edhe më tutje në gara, sepse kisha mundësinë të përfitoja eksperiencë artistike.Kënga ime e parë ishte egzotike, por e mbaja veten me qetësi dhe me vullnet të madh.Kishte shumë kandidatë dhe nuk shkova për të fituar, ashtu nuk kisha shumë shpresë se do të jem, por komunikova me familjen time, por familja nuk kishte edhe aq shumë besim në rezultatet që do ti kem.Ashtu shkova dhe me shumë mund, duke mos shpejtuar në hapat që i bëja, arrita që pas katër muajve me radhë, me shumë mundi, pas shumë përkatitjeve që i kam bërë në të gjitha fushat e artit të muzikës, të jem njëra nga vajzat finaliste, që duhet rikujtuar se ishin 5000 konkurentë. Kështu, pas punës sime maratonike, arrita të jem finaliste, e këtij evenimenti të madh kulturor në Gjermani.

Bota sot:Keni rujatur diçka pa thënë në mediat gjermano-zviceriane, për mediat shqiptare, në lidhje me ditët që i keni kaluar në PopStars?

Arjeta Zhuta: Kam pas shumë intervista në mediat e ndryshme.Ju thashë në fillim, patjetër se po dhe ju jeni të parët, që po më merrni një intervistë.Ju përmenda më herët, që kur jam qarosur nga prindi dhe për shumë gjëra tjera, që i përkasin vetes sime.Në çdo garë, ashtu si shqiptare tipike, këndoja, si burrneshë pa u dorëzuar dhe u përkatitesha, që edhe nëse
humbi, të mos dorëzohem, me rëndësi që një shqiptare mori pjesë në këtë garë.Më kujtohet, për ti treguar të tjerëve, se jam shqiptare, vishja një par trenjerka me flamurin kombëtar kuqë e zinjë dhe ishin trenjerka me motiv të luftës, që shpesh edhe bisedoja me mikeshat e mia finaliste, për luftërat që ka pasur kombi ynë, i flisja për gjërat e tmerrshme që iu kanë bërë
popullit tim dhe për një ndarje të madhe gjeografike që e kemi ne shqiptarët. I thoja, se shqiptarë ka me milion në Turqi, çamëri me mijë, Arbëri, Preshevë, Malci, Maqedoni dhe Kosovë, një popull jemi, kemi një gjuhë dhe na kanë ndarë padrejtësisht.Nuk dua të ekspozohem, por sinqerisht me dëshirë flisja shqip dhe më kanë pritur shumë mirë të tjerët.

Në Gjermani kamë marrur një eksperiencë të madhe duke ushtruar me profesionist të muzikës, koreograf, vallëtarë të mirënjohur, që të japin elan në punë, ata të shohin se a ke vërtetë sens për art apo jo, ndërsa tek ne shqiptarët është ndryshe, je e bukur, zhvishu dhe ec se do kesh suksese.

Bota sot:Do të pranonit të këndonit ndonjë këngë tallava apo me qifteli dhe ju të ishit e veshur me veshje kombëtare?

Arjeta Zhuta: Asnjëherë tallava nuk do këndojë.Me qifteli me dëshirë, pse jo, me plot respekt, çmoj veglat tona të vjetëra dhe me veshje kombëtare jam veshur dhe do vishem. Nuk dua të merrem me diçka që është e dëmshme për shoqërinë tonë.Viruset dihen nga mjekësia, por tash viruset në disa këngë që këndohen, po shihen edhe në muzikën tonë.Nuk e nënçmoj një muzikë të tillë tallava që quhet, por nuk do këndojë, sepse nuk më pëlqen.Muzikën popullore e dua.Babai im e donë muzikën popullore dhe shpesh këndojë.Arti dhe biznesi nuk janë kombinim që shkojnë sëbashku, ata janë si në opozitë me njëri-tjetrin unë mendoj se ndryshimet në muzikën shqiptare janë të njëjta si në të gjithë botën, shumë artistë të mëdhenj botëror sot nuk këndojnë ashtu si duhet drejpërdrejtë.Këngët e sotme janë bërë si moda e veshjeve apo ngjyrat e flokëve, ndërsa muzika e vërtetë është si stinët, këngët popullore janë ashtu si gjethet që bien, dhe ringjallen përsëri në pranverë. Arti i vërtetë gjithmonë e ka gjetur rrugën ashtu si një dritë në fund të detit. Në Gjermani kamë marrur një eksperiencë të madhe duke ushtruar me profesionist të muzikës, koreograf, vallëtarë të mirënjohur, që të japin elan në punë, ata të shohin se a ke vërtetë sens për art apo jo, ndërsa tek ne shqiptarët është ndryshe, je e bukur, zhvishu dhe ec se do kesh suksese.

Bota sot:Çfarë do ta nevrikoste Arin?

Arjeta Zhuta: Më nervzon padrejtësia, gënjeshtra.Besoj në të mirën e njeriut dhe kur më keqpërdoret lëndohem.

Bota sot:Disa nga fotot që më treguat ishin provokuese, si reagojnë prindërit e tu kur i shohin?

Arjeta Zhuta: Jam një vajzë që kam pasur çdo herë liri nga prindërit e mijë.Besimi i prindërve ka qenë gjithmonë tek unë dhe ata më kanë dhënë shumë liri dhe këtë liri nuk ia kam eqpërdorur. Prindërit i kam shumë liberal dhe këtë nuk ia keqpërdori. Në muzikë duhet të jesh paka shumë me shije në veshje.I kam treguar prindërit dhe këto ishin foto për revistën e
njohur FHM. Kur i thashë prindërve se do kem foto paksa e çveshur dhe mos po thonë diçka keq bashkëkombasit e mijë, prindërit më thanë, ne e dimë se çfarë vajze kemi dhe ti vazhdo nga edukata që e ke nga prindërit e tu.

Bota sot:Mendon se duke u zhveshur ajo që pretendon mundet të bëhet këngëtare?

Arjeta Zhuta: Asnjëherë duke u zhveshur nuk je këngëtare.Duhet bukuria, por bukuria nuk të jep talent zëri. Nëse këndon Live bukuria mbetet në fund të detit. Tek ne kohëve të fundit është lehtë të bëhesh këngëtare, të kesh pare dhe të zhvishesh.

Bota sot:Ju keni kaluar dhe jeni klasifikuar për në finale nga një juri profesionale, çfarë mendon për këngëtaret shqiptare që dalin dita ditës nëpër media?

Arjeta Zhuta: Kanë të drejtën e vet, por e mira të mirës, është të punosh, të çmojnë të tjerët, ata profesionistët dhe pastaj duhet vazhduar dhe do jesh e arritur.

Bota sot:Ju këndoni gjithmonë "live". Çfarë ndiesie të shkakton shfaqja para publikut me "play back"?

Arjeta Zhuta:Për katër muaj kam qëndruar në München gjatë përkatitjeve për PopStars dhe kemi kënduar gjithnjë live.Gjithnjë ishim të përcjellura nga mediat.Me këngë Live je origjinal dhe je më e afruar nga publiku. Në këtë kohë që po e jetojmë, këngëtarët po këndojnë shumë play back. Me Play Back është biznis.Jam munduar dhe do mundohem, të këndojë gjithnjë live.Ndoshta, nëse bëhem këngëtare më e njohur botërisht, do më imponohet të këndojë Ply back, por dëshira ime nuk është. Nëse nuk këndojë Live, ose nuk dëgjoj këngë
live, atëherë nuk shkoj në koncerte apo programe, do e marr x cd dhe do ta dëgjoja në shtëpi.

Bota sot:Si e organizon Ari një ditë, një javë, një muaj, një vit. D.m.th. përveç këngës a keni angazhime të tjera?

Arjeta Zhuta: Ashtu si një vajzë shqiptare. Si kam qenë do të jem. Nuk mundet të ndryshojë jeta ime aq shpejtë.Mundohem të ruajë origjinalitetin personal.Në muajin mars, do fillojë semestri i ri. Zgjohem dhe bijë të flejë duke kënduar dhe studiuar.Nuk dua, t'më ikë dita, pa pasur suksese gjatë orëve të ditës. Prandaj, në çdo javë, shohë se çka kam bërë dhe në fund të muajit, ose përmirësohem, ose krenohem me sukseset që i kam arritur.

Bota sot: Jeni e dashuruar?

Arjeta Zhuta: Qeshet. Jo nuk jam e dashuruar. Kam plane tjera njëherë që janë primare. Do ti vie koha kur do të dashurohem.

Bota sot: Tani djemtë e kanë më të lehtë të afrohen?

Arjeta Zhuta: Po sinqerisht. Deri më tash kam nënshkruar shumë kartolina të miat dhe djemtë e kanë më të lehtë të afrohen dhe pastaj kërkojnë numrin e tel. I kuptoj, por jeta kështu e ka. Më përpara nuk i jepja rast gjitkujt të afrohej tek unë, por tash nuk mundem ti them, jo, ik, se nuk do jap një autogram. Prandaj, e mira të mirës, është që të jem e kujdeshme, por e di,
se djemtë shqiptarë, janë më të mirët e botës. Padyshim, se princi i ëndrrave të mia, do të jetë shqiptarë, por njëherë është shumë herët, nuk e kam mendjen të dashurohem, sepse kam dëgjuar se dashuria, është armë e rëndë dhe i harron të gjitha.

Bota sot:I kthehemi spektakleve në PopStars. A je munduar që të këndosh shqip dhe çfarë kanë menduar të tjerët për muzikën tonë?

Arjeta Zhuta:Patjetër. Jam munduar.Por Ju e dini se ka rregulla spektakli në fjalë.Kam kënduar shqip dhe më janë pritur mirë, por kuptohet jashtë sallës
së përgatitjeve.Njihet muzika shqipe nga të tjerët.

Bota sot:Si je pritur nga organizatorët e PopStars?

Arjeta Zhuta: Shumë mirë dhe u jam mirënjohës.Kam përfituar nga ta shumë. Kanë qenë të mrekullueshëm, kemi pasur kushte të shkëlqyeshme, si për përgatitje ashtu edhe për t'u argëtuar.

Bota sot:Mendon se tu ka bërë me hile që nuk ishe një ndër tre vajzat që formuan grupin Monrose?

Arjeta Zhuta: Jo. Sinqerisht asnjëherë.Juria ka qenë shumë profesionale dhe të gjithave na kanë trajtuar njësojë. Por, kanë qenë momente, që mundet të bëshë gabim nga emocioni apo stresi, por me rëndësi që të gjitha ishim finaliste, ashtu kemi fjalë dhe vlerësime të mira nga kritikë të muzikës në Gjermani dhe Zvicër.

Bota sot: Po pse keni qarë atëherë?

Arjeta Zhuta: Edhe tash kam emocione kur kujtoj veten në finale. Kam qarë, si të gjithë të tjerët, ngase kemi kaluar shumë mirë, prandaj kam qarë nga emocionet.

Bota sot Cila është fjala më e madhe për Ju nga Juria që të ka pëlqyer pas garava në PopStars?

Arjeta Zhuta: Do jesh artiste e madhe, por duhet të punosh dhe të mos krenohesh me ate që e ke arritur.

Bota sot:Mbanë miqësi me finalistet dhe me jurinë profesionale?

Arjeta Zhuta: Po mbajë kontakte, por tashë mikeshat e mia janë të ngrakuara me albumin, por megjithate kam kontakte dhe nuk do ti humbi.

Bota sot:Cila është dita më me fat për ju?

Arjeta Zhuta: Kur arrita në finale.

Bota sot:Në gëzime familjare cila është kënga që këndoni më shpesh?

Arjeta Zhuta: Këndojë këngë veleshtare dhe këngë që janë të mira popullore.

Bota sot: Nëse ju ftojnë për koncerte pyesni për pagesën si shumë këngëtarë të tjerë?

Arjeta Zhuta: Jo asnjëherë.Nuk këndojë për pare, por këndojë nga dëshira që kam për të kënduar.

Bota sot: Cila është më e bukur për ju dita apo nata?

Arjeta Zhuta: Janë të njejta, por dita pak më shumë e dashur, sepse gjatë ditës punoj, ndërsa nata është e paraparë për të pushuar.

Bota sot: Ku do ta kaloni këtë ndërrim të motmoteve?

Arjeta Zhuta: Kam pasur shumë oferta nëpër restaurante të ndryshme dhe diskoteka, por do jem me vëllaun tim dhe me shoqërinë time me ndonjë vend, por ende nuk kemi vendosur, sepse ka shumë vende të mira, për të festuar vitin që sapo do hyjmë.

Bota sot:Do na jepni ndonjë shpresë se si sot një vit ndoshta do kemi mundësi të dëgjojmë këngë në videoprojektet më të njohura ndërkombëtare, apo do mbarosh karierën nëpër restaurante dhe diskoteka nëpër diasporë?

Arjeta Zhuta: Mendojë se do të realizojë këngë të bukura, por asesi të mbarojë kariera ime nëpër ambiente terresh, ambiente tymës duhani, por do dëshiroja të punoja me profesionistë të muzikës, që një ditë të jem aty ku janë yjet e këngës botërore dhe ato shqiptare.

Bota sot: Premton të na tregosh të parëve nëse projekti yt realizohet?

Arjeta Zhuta: Padyshim. Ju jeni të parët, që realizuat këtë intervistë dhe do jem mirënjohës, që fola për një gazetë shqipe.Projekte kam shumë dhe njëri nëse më realizohet ashtu si kam dëshirë unë, do Ju njoftoj dhe kam nderin që do shkruani dhe do njoftoni bashkëkombasit tanë kudo që janë.

Bota sot: Do na tregoni dëshirën që keni për këtë vit që sapo do hyjmë?

Arjeta Zhuta: Dëshira kuptohet, se ka çdo person. Viti 2006 ishte për mua i sukseseve, apo çelësi që mi hapi dyert e këtyre sukseseve, tani varet nga unë se sa do e shfrytëzojë këtë çelës të së mirës.Primare është të kem shëndet të mirë, të kem familjen time ashtu si është me gëzime, të kem kombin tim me liri të plotë, prej Kosove, Manastiri, Presheve, Arbërie,
çamëri e Malcie.Presim një Kosovë të pavarur, që çdo ditë i përcjell lajmet se çka po ndodh në atdheun tonë, se pa Kosovë të pavarur, nuk do jemi të lirë as ne në Veleshtë, por as një shqiptarë kudo që ndodhet.

Bota sot: Ju falënderojmë për këtë intervistë dhe të jetë viti 2007 edhe më i suksesshëm për Arjeta Zhuta-Ari. Gëzuar për shumë vite në emër të redaksisë së kombëtares "Bota sot".

Arjeta Zhuta:Ju jam mirënjohës për shumë herë. Gëzuar dhe suksese edhe më të mëdha dhe le të jetë edhe ky vit për mediat shqiptare, vit i të shkruares në lajmet kryesore, apo në faqet e para "Pavarësia e Kosovës". Me një fjalë, le të jetë viti 2007, vula e pavarësisë së Kosovës dhe e një bashkimi natyror kombëtar...

Intervistoi: Dashnim HEBIBI