Gjysma e popullsisë së botës më të rinj se 25 vjeç

Nga gjithsejtë 6.5 miliardë njerëz në botë, më shumë se 3 miliardë janë më të rinjë se 25 vjet, numër i cili është më i madhi në historinë e njerëzimit ka bërë të ditur OKB.

Sekretari gjeneral i OKB-së Kofi Annan ka thënë se të rinjët po përballen me "perspektivë të zymtë". Annan ka shtuar se të rinjtë gjithandej janë të përballur me varfëri, kriminalitet, mungesë të mundësive të edukimit dhe mungesë të vendeve të punës.

"Si rezultat i kësaj shumë nga ata kërkojnë veprim për të zvogluar hendekun mes të pasurve dhe të varfërve dhe të gjithëve t'i ofrojnë mundësi" ka thënë Annan në ditën Botërore të Popullsisë.

Fondi i OKB-së për varfësri ka bërë të ditur se rreth 500 milion njerëz të moshës 15 deri 24 vjet jetojnë me më pak se 2 dollarë në ditë, 96 milion të rinjë në vendet në zhvillim nuk kanë qasje në edukim, deri sa 14 milion vajza të moshës 15 deri 19 vjeç mbesin shtatëzëne.

Rreth 6000 të rinjë në ditë infektohen me virusin e AIDS-it, bënë të ditur OKB. OKB ka ftuar qeveritë të rregullojë të drejtat e njeriut dhe mirëqenien e të rinjëve për ndërtimin e një bote më të mirë për të gjithë.

"Vendimet e të rinjëve do të formësojnë botën dhe perspektivën e gjeneratave të ardhshme." deklaroi Annan.

 
© presheva.com