Kurtlar Vadisi - Irak, film turk kundër luftës në Irak

Mënyra më e mirë për të treguar disponimin anti-amerikan në botë është kinematografia. Shembulli më i mirë për këtë është filmi turk "Kurtlar Vadisi - Irak" film i cili këto ditë ka pasur premijerën në kinematë turke. Në turqi ky film ka arritur një shikueshmëri që filmat e Spilbergut munden vetëm të ëndërrojnë.

Filmi është krijuar nga ekipi i serialit televiziv "Kurtlar Vadisi" (Lugina e Ujqërve) në të cilin policët dhe ushtarët turk motivohen të luftojnë kundër krimit të organizuar. Por si shkas për krijimin e këtij filmi merret një ngjarje e vërtetë e vitit 2003 kur trupat amerikane kanë kapur 11 pjestarë të forcave speciale, të cilat ishin dërguar fshehtasi në Irak për të mbrojtur pakicën turkmene nga sulmet e shumicës kurde.

Në film ai incident është treguar si një nënçmim publik për shkak të cilit një komandanti i asaj njësie kryen vetëvrasje. Njëri nga shokët e tij vendos që t'i hakmerret amerikanëve dhe me një grumbull të ushtarëve vetëvrasës shkojnë në Irak. Disa nga skenat janë të lidhura me ngjarjet në Abu Ghraib, ku një mjek nga të burgosurit e gjallë i nxjerrë organet dhe ia shet klientëve të pasur në SHBA dhe Izrael.

Është interesante se në "Kurtlar Vadisi - Irak" marrin pjesë edhe artistë amerikanë si Billy Zane dhe Gary Busey.

 
© presheva.com