Melodi që e dëgjojnë vetëm adoleshentët

Hiti më i ri në mesin e nxënësve amerikan është alarmi i sofistikuar të cilin të vjetrit nuk mund ta dëgjojnë. Kështu që gjatë orëve të mësimit mund të lejojnë t'i cingërojë telefoni dhe mësimdhënësi të mos i dëgjojë.
 Një alarm të cilin të rriturit nuk mund ta dëgjojnë fëmijët e kanë shfrytëzuar dhe kanë krijuar një melodi për telefon. Të mirinformuar teknologjikisht, nxënësit kanë përdorur të ashtu quajturin mosquito (mushkonjë) alarm , i cili përdoret për të komunikuar edhe bandat e adoleshentëve për t'i ikur policisë. E veçanta e kësaj melodie është se këta tinguj mund t'i dëgjojnë vetëm të rinjtë, por jo edhe shumica e njerëzve mbi 20 vjeç.
 Nxënësit e kanë pagëzuar këtë melodi si Teen Buzz dhe e kanë shpërndarë përmes Bluetooth teknologjisë.
 "Të gjithë fëmijët qeshnin për diçka, por nuk e kam ditur arsyen. Ata e din se në shkollë duhet të ndalin telefona. Të gjithë nxënësit kanë dëgjuar telefonin e dikujt kur ka cingëruar, por unë nuk kam dëgjuar asgjë" ka thënë një nga profesorat e një shkolle të mesme në Amerikë i cili është njëri prej të parëve që e ka zbuluar këtë dukuri.
 "Një prej nxënësve më vonë më ka treguar se për çka po bëhet fjalë. Nuk jam hidhëruar shumë për shkak se ata kanë treguar se janë inteligjent".
 Teknologjia mosquito bazohet në fenomenin mjekësor presbycusis, apo humbja graduale e dëgjimit deri sa plakemi. Konsiderohet se fillon pas moshës 20 vjeçare dhe ndikon në frekuencat 18 deri 20 khz.
 Personat mbi moshën 20 vjeç kanë gjasa t'i dëgjojnë tingujt vetëm nëse janë një metër afër burimit të zërit, por fëmijët mund ta dëgjojnë edhe nga largësi më të mëdha.
 

 
© presheva.com