Robotë të armatosur shkojnë në Irak

Duke e parë se dhuna në Irak çdo ditë e më shumë po shtohet dhe situata po shkon drejtë një lufte civile, ushtria amerikane ka vendosur të dërgojë robotë të armatosur në Irak.
Sipas revistës angleze "Inquirer" robotat të cilët do të komandohen nga ushtarë nga një largësi e sigurtë do të thejnë zakonin e Asimovolievit të robotikës në të cilin thuhet se robotët nuk duhet t'i bëjnë keq njeriut.

Robotët mbajnë shenjën dalluese "Swords" (Sistemi special për armatim, për vëzhghim, zbulim dhe kontrollim) të cilët janë të armatosur me pushkë automatike të tipit "M-249" e cila në minutë gjuan 750 plumba të kalibrit 5,56 milimetra dhe të tipit "M-240" e cila gjuan 1000 plumba të kalibrit 7,62 milimetra në minutë.

Roboti me anë të një radio lidhjeje komunikon me operatorin i cili kontrollon shënjestrën potenciale dhe si në video lojë i dërgon komandat për sulm. Ushtari mund të jetë i larguar nga "kolega" i tij nga 200 deri në 1000 metra.

Në Pentaogon shpresojnë se ushtarët-robotë, prej të cilëve secili kushton 50.000 dollarë, do të zvoglojnë numrin e ushtarëve të vrarë në Irak (nga fillimi i luftës janë vrarë më shumë se 2.300 ushtarë të SHBA).
Këta robotë janë version i modifikuar i robotëve të njohur si "Talon" të cilët ushtria e SHBA-ve i përdorë tash e katër vite, detyrë e të cilëve ka qenë kontrollimi i kutive të dyshimta dhe zbulimin e agjentëve kimikë në ajër.

Gjatë testimeve këta robotë janë treguar gjuajtës më të suksesshëm se ushtarët. Pentagoni tash e disa vite zhvillon teknologjinë e cila do të zëvendësonte njerëzit në vijën e parë të frontit.

 
© presheva.com