Ekran ku shihen të gjithë përdoruesit e telefonave mobil

(presheva.com) - Në Romë po planifikohet që nga shtatori i këtij vitit të vendoset një sistem kontrollimi për lëvizjet e telefonave mobil me ndihmën e të cilit secili telefon mobil në këtë qytet do të shihet si një pikë e kuqe në ekran në një ekran të madh me plan të qytetit. Do të shihet se sa persona qëndrojnë në vend, sa lëvizin dhe në cilin drejtim, kush është në këmbë e kush me automobil, do të shihet ku ka komunikacion më të dendur. Ky sistem do të jetë një ndihmë e madhe për kontrolluesit e komunikacionit, taksistët por dobi do të kenë edhe vet qytetarët ku ata vet mund të shohin në ekranët e shumtë që do të vendosen nëpër qytet se ku ka komunikacion më të dendur, ku ka vend për parkim, ndonjë vend për restoran apo piceri ku nuk pritet radhë apo ndonjë muze. Ky sistem do të integrohet me sistemin e GPS pozicionimin. Roma është qyteti i parë në botë që do të testojë këtë sistem revolucionar të krijuar në Institutin teknologjik në Masachustes (MIT) në SHBA. Zemra e këtij sistemi gjendet edhe në Boston: serverët e fuqishëm i cili merr të dhënat nga Roma (më vonë edhe nga qytetet tjera) do t'i dërgojë në Romë dhe anasjelltas.
Në Itali me 58 milionë banorë më shumë se 30 milionë përdorin telefona mobil aktiv. Në Romë gati 2/3 e banorëve përdorin telefon mobil gjithmonë.

dr Driton SALIHU