Bill Gates ende njeriu më i pasur

Bill Gates dhe Warren Buffet

Bill Gates edhe më tutje e mbanë primatin për njeriun më të pasur në botë. Pas tij radhiten Warren Buffet, Carlos Slim dhe themeluesi i IKEA. Gjithsejt janë 793 miliarderë prej tyre 78 miliardere femra. Ky është numri më i madhë i miliarderëve deri më tani të regjistruar nga revista amerikane Forbes.

Numri total i miliarderëve në tërë botën që nga viti i kaluar është rritur për 102, duke iu faleminderuar rritjes së çmimeve të akcioneve nëpër bursat botërore dhe çmimit të naftës. Pasuria e tyre e përbashët është rritur për 18 përqind.
Themeluesi i Microsoft-it, Bill Gates ende llogaritet njeriu më i pasur në botë, me pasurië prej 50 miliardë dollarë duke qëndruar për 12 vite në krye të listës.

Shtrirja e miliarderëve në Europë sipas Forbes

Investitori i njohur amerikan Warren Buffet përsëri është në vendin e dytë me 42 miliardë dollarë. Carlos Slim, një ndërmarrës telekomunikacioni në Meksiko, është ngjitur në vendin e tretë me 30 miliardë dollarë, afër themeluesit të IKEA-së suedeze Ingvar Kamprad em 28 miliardë dollarë.
 

Princi saudit al-Valid bin Talal al Saud nga vendi i pestë ka rënë në vendin e tetë me 20 miliardë, derisa magnati indian i çelikut Lakshmi Mittal është i persi me 23.5 miliardë dollarë. Paul Allen, bashkëthemeluesi i Microsoft është i gjashti me 22 miliardë. Pronari i klubit anglez "Chelsea", Roman Abramovich radhitet në vendin e 11 me 18.2 miliardë dollarë.

Me 371 miliarderë, SHBA ende është vendi me më së shumti miliarderë, pason Gjermania me 55. New York-u ka 40 miliarderë, pastaj Moska me 25 dhe Londra me 23, India ka gjithsej 23 ku vetëm këtë vit i janë shtuar 10 emra nga ky shtet, Rusia i ka 33 me 7 emra të rinj, kurse Brazili e ka dyfishuar numrin në 16.

Ingvar Kamprad, pronari i IKEA

Në Lindjen e Afërt, Afrikë dhe Turqi, Forbes ka regjistruar 56 miliardera, deri sa vitin e kaluar ishin vetëm 29. Numër të madhë të miliarderëve ka Arabia Saudite me 11 miliarderë.

Nga 793 miliarderë, 78 janë femra. Më e reja në listë është 22 vjeçarja Hind Hariri ne 1.4 miliardë dollarë të cilat i ka trashëguar nga babai i saj, ish ministri libanez Rafik Hariri.

 
© presheva.com