Nxirret në shitje shtëpia a modës "Armani"

(presheva.com)- Personi me më ndikim në botën e modës, 72 vjeçari Giorgio Armani ka vendosur që ta shes kompaninë e tij Armani dhe është duke pritur ofertën më të mirë. Mbretëria e tij e modës llogaritet në pesë miljardë euro. Sipas disa informatave blerësi më i mundshëm është kompania e modës LOreal.

Armani ka deklaruar se kompaninë e tij do t'ia shes atij që ofron më së shumti të holla, gjë që është për t'u habitur pasi që dizajneri nuk ka probleme ekonomike dhe nuk dihet cilat janë arsyet për vendimin për shitje e kompanisë të cilën e ka themeluar në vitin 1974. Si arsye më e besueshme mund të merret se Armani nuk ka fëmijë dhe dëshiron që sa të jetë gjallë të sigurojë të ardhmen e kompanisë që e ka krijuar dhe të kënaqet me shumën enorme të parave që do t'i fitoje me shitje.

Marka e modës Armani në 30 vitet e kaluara është llogaritur si "mbretëreshë e elegancës dhe e stilit italia", dhe nuk ka ndonjë yll Hollywoodi e cila një herë nuk ka vesh diqka nga kreacionet e kësaj shtëpie të modës. Revista Forbes në vitin 2001 e pati shpallur Georgo Armanin dizajnerin italian me më së shumti ndikim dhe së bashku me Tom Fordin llogariten si njerëzit më të talentuar në fushën e modës.

 
© presheva.com