Epson Stylus DX5050

(presheva.com) - Printerat nga Epson në treg gjithmonë kanë paraqitur simbol të bukurisë dhe kombinim i shkëlqyer i dizajnit me kualitetin. Kjo vlen posaçërisht për serinë e printerëve Stylus. Njëri prej modeleve është dhe aparati multifunksional ink-jet Stylus DX5050.Ajo çka është me rëndësi të thuhet për këtë model është se ai paraqet all-in-one ink-jet printer. Përbman skener, fotokopje dhe printer me ngjyra, kurse faks nuk përkrahet.
Dimenzionet dhe pesha e këtij modeli mund të krahasohen me ata printer standard ink-jet edhe pse bëhet fjalë për aparat multifunksional, çka do thotë se DX5050 nuk do të zë shumë vend në tavolinën tuaj.
Në pjesën e sipërme gjendet një display i vogël në të cilin paraqiten numri i kopjeve dhe numër i tastierave ku fillohet printimi, kopjimi, zgjidhet madhësia e fotografisë dhe të tjera. Ky printer është dedikuar vetëm për përdorime shtëpiake. Arsyja është se DX5050 është i pajisur me 4 kertrixhë (T0711-black, T0712-cyan, T0713-magenta dhe T0714-yellow).

Kertrixhi i zi vjen me 7.4 ml ngjyrë kurse të tjerët me 5.5 ml, çka do të thotë se në zyre kanë një jetëgjatësi të shkurtë dhe nuk është e pagueshme. Teknologjia e printimit është Micro Piezo. Kertrixhat që gjenden në këtë printer bëjnë pjesë në grupin më të ri të kertrixhave DURABrite Ultra. Jo vetëm që mundësojnë kontrast dhe qartësi shumë më të mirë, por edhe gjatë printimit të fotografive ato do të ruhen maksimalisht nga lagështia dhe drita.
Rezolucioni maksimal i printimit është 5760 x 1440 dpi.
Posedon pesë mundësi të printimit: draft, text, text&image, photo dhe best photo. Me printim draft, printerat Epson gjithmonë janë treguar jokualitativ. Foto apo teksti janë të zbehura dhe mund të vërehet ndërprerje gjatë printimit. Në modin tjetër menjëherë vërehen ndryshimet. Në mode më të fundit, atë best photo, e gjitha gjendet në venfin e vet. Kontrasti, qartësia dhe detajet e imëta - me një fjalë shkëlqyeshëm.
Edhe shpejtësia e printimit mund të merret si anë pozitive e këtij printeri. DX5050 gjatë printimit është shumë i qetë kurse mekanizmi për tërheqjen e letrës ka zhurmë të madhe. Mund të pranojë deri 100 fleta. Bordless printimi përkrahet dhe atë për fotografi 10 x 15 dhe 13 x 18 cm.
Përparësi e madhe është edhe mundësia e leximit të kartelave të memorisë (CF type II, Memory Stick, SD/MMC, xd-Picture card) ku mund të punojë dhe si lexues kartelash kur lidhet me kompjuter dhe lidhet me USB 2.0. Mbi vendin ku vendosen kartelat, gjendet konektori PictureBrigde për dhje direkte me kamera digjitale. Është kompatibil me të gjitha sistemet operative (përveç Windows 95) si dhe Mac OS 10.2.8.Me printerin vjen dhe një numër i madh softveri.

dr Driton SALIHU