Windows Vista lansohet për biznese më 30 Nëntor

(presheva.com)-Bizneset amerikane më në fund do të kenë rastin të fillojnë të shfrytëzojnë Windows Vista dhe Office 2007 kur Windows do t'i lansojë këto produkte në New York në fund të këtij muaji.

Windows i ka dërguar ftesa me email shumë bizneseve për rastin e lansimit, Microsoft New Day for Business. Sipas emailit, ngjarja "do të shënojë mundësitë për biznese të tri produkteve të reja nga Microsoft". Përveç Vista dhe Office 2007, gjithashtu në këtë ngjarje do të prezantohet Microsoft Exchange Server 2007.

Shefi Ekzekutiv i Microsoft, Steve Ballmer do të marrë pjesë në këtë organizim së bashku me partnerët dhe klientët. Ngjarja do të mbahet në Nasdaq Stock Market në qendër të Manhattan.

Edhe pse Vista dhe Office 2007 do të jenë në dispozicion të bizneseve në fund të këtij muaji, shumë biznese kanë thënë se me më dëshirë nuk do të kalonin në Vista menjëherë por pasi të avancojnë hardware-in.

Lansimi gjeneral i Vista dhe Office 2007 ende mbetet për Janar 2007.

Ky Sistem Operativ ka më shumë se pesë vite që i janë dashur të krijohet, përmbanë mundësi të reja duke përfshirë edhe përmirësimin e sigurisë, zëim të ri, teknologji të rrjetave dhe interface të përmirësuar 3D.

Çmimi për Vista Home Premium Edition do të jetë 239 dollarë, apo 159 dollarë nëse e bëni upgrade nga XP; Home Basic do të kushtojë 199 dollarë, derisa për upgrade 100 dollarë; Vista Ultimate do të kushtojë 339 dollarë deri sa për upgrade 259 dollarë. Bizneset që mendojnë të kalojnë nga XP në Vista do të duhet të ndajnë 199 dollarë, kurse për një kopje të re 299 dollarë.

 
© presheva.com