Cilat gabime tek GPS kërkon t'i ndryshojë Network Rail?

(presheva.com) - Kompania Network Rail ka bërë në studim lidhur me besimin e "verbër" të shoferëve ndaj GPS aparateve. Ajo ka publikuar këto të dhëna lidhur me këtë temë duke cilësuar se çdo vit në Britaninë e madhe nga informatat e gabuara nga GPS aparatet ka rreth 2000 dëmtime të urave, ku ndalohet komunikacioni dhe shkakton vonim të komunikacionit për rreth 5000 orë. Kjo kompani nuk ka vlersuar se sa është dëmi i shkaktuar material, por si duket nuk është edhe i vogël.

Më së shumti bëhet fjalë për situata kur vozitësit e kamionave të rëndë kalojnë nëpër ura që nuk janë të dedikuara për aso pesha. Problemi qëndron se GPS aparatet nuk japin rëndësi në këto detaje dhe vozitësve i ofron rrugë më të shkurtër pa marrë parasysh se a janë të dedikuara të gjitha rrugët për automjete të ndryshme. Problemi tjetër është se vozitësit nuk i vërejnë sinjalizimet përskaj rrugës. Për tu shmangur ky problem në të ardhmen, Network Rail ka ndërrmarë hapat e parë duke i shenuar të gjitha urat që mund të jenë problem dhe këto të dhëna do tja japë prodhuesve të GPS softverit.

dr Driton SALIHU