Apple iPhone 4G do të ketë një shtëpizë të ndjeshme në prekje?

Thashethemet rreth “iPhone 4G” vazhdojnë të paraqiten, dhe më lajmi më i fundit sugjeron se aterimi i radhës i celularit të mençur Apple do të veçohet me një shtëpizë të ndjeshme në prekje.
Teknologjia e ngjashme në prekje sikurse tek Magic-Mouse, duket se do të mbulojë trupin e pajisjes së Apple duke krijuar një rrugë të re inovative për të naviguar përmes harduerit.
Spekulimet kanë buruar nga Bloomberg, i cili citon analistin Robert Chen nga Goldman Sachs, duke konfirmuar avancimin e shtëpizës për gjeneratën e ardhshme iPhone.
Ai gjithashtu beson se “4G do të ketë një kamerë 5 megapikselëshe për të mundësuar qëndrimin në hap me konkurrencën me HTC Milestone dhe Google Nexus One, në garën e kamerave”.
“Apple do të sjellë shumë inovacione, jo vetëm në harduer, por gjithashtu edhe në softuerin e iPhone të ri” tha Chen.
Më herët gjatë kësaj jave u raportua se një ekran OLED dhe veçoria për video chatt është duke u përgatitur për iPhone 4G, dhe se spekulimet më të fundit në lidhje me veçoritë e tij, duket se do të vazhdojnë të tërheqin edhe më shumë vëmendjen e adhuruesve të Apple.
Megjithatë ky mund të mbetet vetëm një spekulim dhe ka gjasa që të jetë paksa e tepërt për Apple, por mos harroni Apple ka ditur të befasojë, e këtë mund ta bëjë përsëri.

(PCWA)