Magjia

Magjia është vepër që e afron njeriun tek shejtani me ndihmën e këtij të fundit. E bën transformimi e diçkaje nga thelbi origjinal në diçka tjetër. Biles e bën të bukur transformimin e saj, pastaj shpërndahet. Me pak fjal magjia është transformim i të kotës në një pamje të vërtetë. Magjia është bashkëpunim në mes shejtanit e magjistarit. Magjistari duhet të bëjë gjëra të ndaluara dhe shirk kundrejt ndihmës që shejtani i ofron atij. Bindja e magjistarit duhet të jetë për çfarëdo gjëje, të cilën e kërkon ai. Që magjistarit t’i ofrohet ndihma e shejtanit, ai duhet që t’i bindet atij për çfarëdo gjëje që shejtani kërkon prej tij, si p.sh.: shirku, mohimi, gjëra të ndaluara që bien në kundërshtim me dispozitat e fesë Islame etj. Gjithashtu magjia është fjalë, e cila del nga goja e magjistarit, apo këtë fjalë e shkruan në ndonjë letër, qese, apo dru.

Magjia është ndikuese në trupin e atij që i është bërë magji, është ndikuese në zemrën dhe mendjen e tij. Magjia është diçka e vërtetë dhe që ekziston në realitet. Magjia ka forma të ndryshme. Ka magji, e cila bëhet shkak që të sëmuret apo të vdesë një person, ka magji, e cila e bën burrin që të mos i afrohet gruas së tij dhe mos të ketë marrëdhënie intime me të, ka magji, e cila bëhet shkak që gruaja të urrejë burrin e saj dhe burri të urrejë gruan e tij, saqë mund të shkoj deri në ndarje. Ka magji, e cila bëhet shkak që njeriu të urrejë çdo person dhe mos të dojë asnjë. Por, sigurisht, këto gjëra nuk ndodhin pa lejen e Allahut të Madhëruar.

Për më shumë nga magjia ndiqni video ligjeratën "Magjia" me Profesor Muhamed Dërmakun dhe Dr. Ferid Aganin.