Drashkoviq: Me shkarkimin e Çoviqit, më së shumti humb jugu i Serbisë

Medvegjë, 25 gusht (presheva.com) – Kryetari i komunës së Medvegjës dhe nënkryetari i Trupit Kooordinues për Preshevë, Bujanoc dhe Medvegjë, Slobodan Drashkoviqi ka reaguar ashpër ndaj vendimit të Qeverisë së Serbisë për shkarkimin e Nebojsha Çoviqit nga funksionet e tij shtetërore. "Në vend të bisedimeve korrekte politike është sjellur një vendim pas shpindës. Pavarësisht se kush e ka bërë, ai ka bërë një çmenduri të madh, meqë përveç Çoviqit i cili është këtu që pesë vjet, askush nuk e njeh më mirë situatën e përgjithshme në jug të Serbisë. Me këtë më së shumti humb jugu i Serbisë", ka deklaruar Drashkoviqi për agjencinë « Beta ». Qeveria e Serbisë e ka shkarkuar  të enjten Nebojsha Çoviqin nga funksioni i kryetarit të Trupit Koordinues për Preshevë, Bujanoc dhe Medvegjë për shkak se deputetët e Partisë Socialdemokrate, kryetar i së cilës është Çoviqi, votuan kundër pezullimit të ligjit mbi Industrinë e Naftës së Serbisë (NIS) në parlamentin republikan.