Halimi: Është shumë me rëndësi që është propozuar Rasim Lajiqi në vend të Çoviqit

Novi Sad, 27 gusht (presheva.com) – Nënkryetari i Trupit Kooordinues për jugun e Serbisë dhe kryetari i komunës së Preshevës, Riza Halimi ka vlerësuar se Trupi Kooordinues ka funksionuar më me efikasitet atëherë kur në krye të tij ka qenë njeriu i Qeverisë së Serbisë ose që ka pasur lidhje të fuqishme me të. “Mendoj se për seriozitetin e procesit është me rëndësi që koalicioni në pushtet në drejtimin e organeve të rëndësishme ta caktojë kuadrin që i përgjigjet dhe që është nën mbikëqyrjen e asaj shumice qeveritare. Me këtë, realizimi i programit ka më shumë gjasa”, ka thënë Halimi për të përditshmen “Gragjanski list”  nga Novi Sadi. Ai ka saktësuar se Trupi Kooordinues ka funksionuar më mirë kur në ballë të tij ka qenë Nebojsha Çoviqi, si nënkryeministër i Serbisë, duke shtuar se vitin e kaluar “ ka pasur negcje serioze në punë”. “Ka pasur paralajmërime se me formimin e qeverisë së re do të ketë ndryshime edhe në kreun e Trupit Kooordinues, gjë që nuk ka ndodhur, ashtu që kemi pasur ngecje serioze në punë gjatë vitit të kaluar”,  ka pohuar Halimi. Ai ka nënvizuar se “është shumë me rëndësi” fakti që në vend të Çoviqit, si zgjidhje kadrovike e koalicionit qeveritar, është propozuar Rasim Lajiqi.

Lexo në presheva.com:

Dosja: Shqiptarët dhe Trupi Koordinues