Hyseni: Largimim i Çoviqit nga Trupi Koordinues është një pengesë për funksionimin e tij

“Kur është emëruar Nebojsha Çoviq për anëtarë të Trupit Koordinues për rajonin tonë Qeveria nuk e ka pyetur palën shqiptare, e njejta gjë ka ndodhur edhe me shkarkimin nga ky post”, ka thënë kryetari i kuvendit Komunal të Buajnocit Sevdail Hyseni, lidhur me shkarkimin e Nebojsha Çoviqit nga posti i Kryetarit të Trupit Koordinues për Preshevë, Bujanoc dhe Medvegjë. Hyseni gjithashtu potencoi se, “me largimin e Çoviqit nga Trupi Koordinues, unë shoh një pengesë në funksionimin e Trupit Koordinues, sepse shkarkimi i tij po vjen shum pak ditë pas largimit të Miqa Makroviqit njeriut të dytë nga Trupi Koordinues”. Ai më tej shton se në takimin që kemi pasur me kryetarin e Republikës së Serbisë dhe me kryeministrin këtu në Bujanoc, premtimet e tyre kanë qenë shum të mëdha, se Trupi Koordinues me grupet kordinuese do të funksionoj dhe problemet e bashkësive etnike në këtë rajon do të zgjidhen me rrugë institucionale. Largimi i këtyre njerëzve kyç nga Trupi Koordinues për mua dhe për bashkësinë shqiptare në këtë komunë dhe rajon është një pykpyetje dhe nje dilemë e madhe se si do të funksionojë TK, në të ardhmen. Kryetari i Kuvendit Komunal është i mendimit se edhe për faktorin ndërkombëtarë në këtë drejtim siç thotë ai është një vërejtje sepse ata e kanë krijuar një imixh për punën dhe aktivitetin e Çoviqit e sidomos për planin e tij për zgjidhjen e krizës në Luginën e Preshevës. Hyseni dorheqjet dhe largimet që po ndodhin në Trupin Koordinues i quajti një hap negative në zgjidhjen e problemeve të këtushme.
 

Mukarrem Ahmeti