Trupi Koordinues për jugun e Serbisë kërkon që të kryhet urgjentisht ndërtesa e kazermës së ushtrisë afër Bujanocit

 

Beograd, 4 qershor (presheva.com) –Trupi Koordinues për jugun e Serbisë ka kërkuar të premten nga kreu i shtetit që të kryhet urgjentisht ndërtesa e kazermës së ushtrisë së SMZ -së në Cepotin, afër Bujanocit. “Me vënjën në funksion të kësaj kazerme do të stabilizohej jugu i Serbisë dhe do të kontribuohej në situatën e përgjithshme të sigurisë për të gjithë qytetarët”, theksohet në kumtesën e Trupit Koordinues. Ky organ ka vlerësuar se nuk pret që përkeqësimi i sigurisë në Kosovë mund të manifestohet në jugun e Serbisë. Më 3 mars, në selinë e Organizatës për Siguri dhe Bashkëpunim Evropian (OSBE) në Beograd, kryetari i Partisë për Veprim Demokratik (PVD): Riza Halimi; kryetari i Lëvizjes së Progresit Demokratik (LPD): Jonuz Musliu dhe kryetari i Bashkimit Demokratik të Luginës (BDL): Skender Destani e nënshkruan Deklaratën e Përbashkët të hyrjes në Trupin Koordinues për Preshevë, Bujanoc dhe Medvegjë. Marrëveshjen po ashtu e kanë nënshkruar edhe Nagip Arifi, në cilësinë e kryetarit të Komunës së Bujanocit, Sllobodan Drashkoviqi, si kryetar i Komunës së Medvegjës dhe Nebojsha Çoviqi, si kryetar i Trupit Koordinues.