Subjektet politike shqiptare sërish të përçara lidhur me Këshillin Nacional dhe Trupin Koordinues

Preshevë, 3 shkurt (presheva.com) - Partitë politike shqiptare të Luginës së Preshevës sërish nuk kanë arritur që t’i harmonizojnë qëndrimet e tyre lidhur me modalitetet e formimit të Këshillit Nacional, ka mësuar “presheva.com”. Ata kanë pasur qëndrime divergjente edhe ndaj ofertës së Qeverisë së Serbisë për pjesëmarrje në Trupin Koordinues për jugun e Serbisë. Në takimin e së enjtes kanë marrë pjesë Kryetari i Partisë për Veprim Demokratik, Riza Halimi; Kryetari i Partisë Demokratike Shqiptare, Ragmi Mustafa; Kryetari i Bashkimit Demokratik të Luginës Skender Destani; Kryetari i Lëvizjes së Progresit Demokratik Jonuz Musliu, përfaqësuesi i OSBE-së për jugun e Serbisë Martin Bruks dhe anëtarët e grupeve punuese të subjekteve politike shqiptare të Luginës së Preshevës.