Koalicioni PDSH-BDL-LPD mbështet Rasim Lajiqin

Preshevë, 3 shtator (presheva.com) - Të gjtihë udhëheqësit e partive shqiptare në Preshevë, bujanoc dhe edvegjë - përpos Riza Halimit nga Partia për Veprim Demokratik - e kanë mbështetur zgjedhjen e Rasim Lajiqit në funksionin e kryetarit të Trupit Kooordinues për jugun e Serbisë, ka njoftuar të shtunën “Beta”. Në takimin e përbashkët – Ragmi Mustafa nga Partia Demokratike Shqiptare; Skënder Destani nga Bashkimi Demokratik i Luginës dhe Orhan Rexhepi nga Lëvizja e Progresit Demokratik e kanë cilësuar sit ë keqe punën e shefit të deritanishëm të Trupit Kooordinues Nebojsha Çoviq gjatë katër vjetve të fundit. Sipas vlerësimit të tyre, të cilin Ragmi Mustafa ia ka përcjellur agjencisë “Beta”, Çoviqi është vlerësuar ashtu sepse është “nxënës i Millosheviqit dhe i shpenzuar që shumë vjet si politikan dhe me pedigre komuniste”. Udhëheqësit e këtyre partive shqiptare e kanë mbështetur zgjedhjen e Lajiqit dhe kanë shfaqur shpresën se “duke marrë parasysh klimën e përgjithshme, për momentin në shumëçka do të ndryshohet kursi i veprimit në Luginën e Preshevës”. Ragmi Mustafa ka thënë se shumë gjëra duhet të bejnë kthesë në tri komunat e jugut të Serbisë dhe të zgjidhen më shpejtë, kurse Lajiqi në këtë do ta ketë “mbështetjen e plotë të shqiptarëve dhe të udhëheqësve të tyre”.