Miça Markoviqi largohet nga Trupi Koordinues

Bujanoc, 28 korrik (presheva.com) – Që nga 1 gushti, nënkryetari i Trupit Koordinues për jugun e Serbisë, Miça Markoviqi nuk do ta ushtrojë më këtë funksion. Sipas burimeve jozyrtare të radio “OK” nga Vranja, në vend të Markoviqit do të emërohet Branko Delibashiqi. Miça Markoviqi e ushtronte funksionin e nënkryetyarit të Trupit Koordinues që nga 16 dhjetori  të vitit 2000 dhe sipas mediave në gjuhën serbe, ai llogaritej si personaliti kyç operativ i këtij organi shtetëror të ngarkuar për Preshevën, Bujanocin dhe Medvegjën. Arsyeja e largimit të Miça Markoviqit nuk janë bërë të njohura zyrtarisht, ndërkaq vetë ai ka deklaruar se “dëshiron që t’i kushtohet më shumë familjes”.