Mustafa: Tani është më mirë që kryetar i Trupit Kooordinues të bëhet zotëri Riza Halimi, meqë është komunist sikur Çoviqi

Preshevë, 26 gusht (presheva.com) – Kryetari i Kuvendit Komunal të Preshevës dhe i Partisë Demokratike Shqiptare, Ragmi Mustafa ka deklaruar se në vend të Nebojsha Çoviqit, në krye të Trupit Kooordinues do të duhej të zgjidhet kryetari i komunës së Preshevës dhe i PVD-së, Riza Halimi. “Tani është më mirë që kryetar i Trupit Kooordinues të bëhet zotëri Riza Halimi. Çoviqi komunist, Halimi komunist dhe ja kontinuiteti në punën e Trupit Kooordinues”, ka transmetuar të premten agjencia « Beta » deklaratën e Ragmi Mustafës. Qeveria e Serbisë e ka shkarkuar të enjten Nebojsha Çoviqin nga funksioni i kryetarit të Trupit Koordinues për Preshevë, Bujanoc dhe Medvegjë për shkak se deputetët e Partisë Socialdemokrate, kryetar i së cilës është Çoviqi, votuan kundër pezullimit të ligjit mbi Industrinë e Naftës së Serbisë (NIS) në parlamentin republikan.