Partitë politike shqiptare shqyrtojnë modalitetet për themelimin e Këshillit Nacional

Preshevë, 25 janar (presheva.com) - Përfaqësuesit e katër  subjekteve politike shqiptare të Luginës së Preshevës, Mitat Saqipi nga Partia Demokratike Shqiptare, Fatmir Hasani nga Partia për Veprim Demokratik, Sevdail Hyseni nga Lëvizja e Progresit Demokratik dhe Ridvan Bilalli nga Bashkimi Demokratik i Luginës kanë mbajtur të martën një takim të përbashkët ku u diskutua për mënyrën dhe formën e themelimit të Këshillit Nacional të shqiptarëve të Luginës së Preshevës. Pjesëmarrësit kanë konsideruar se themelimi i këtij Këshilli përmes të cilit do të paraqiteshin kërkesat legjitime të shqiptarëve të këtij rajoni si para faktorit ndërkombëtarë ashtu edhe para atyre të vendit për zgjidhjen e drejtë të çështjes së shqiptarëve të Luginës së Preshevës është më se i domosdoshëm.