Rasim Lajiqi thotë se në kuadër të Trupit Kooordinues do të vazhdojë ta zbatojë strategjinë e Nebojsha Çoviqit

Bujanoc, 1 shtator (presheva.com) - Kandidati për kryetar të Trupit Koordinues  për jug të Serbisë, Rasim Lajiqi ka thënë se në qoftë se do të zgjidhet në këtë post, ai do të vazhdojë integrimin e shqiptarëve lokalë dhe zhvillimin ekonomik të jugut të Serbisë. Lajiqi u ka thënë gazetarëve në Bujanoc gjatë vizitës së tij në Shkollën Fillore “Naim Frashëri” se do të vazhdojë ta zbatojë strategjinë e paraardhësit të tij, Nebojsha Çoviqit. Lajiqi ka paralajmëruar se nuk do të ketë ndryshime të mëdha kadrovike në Trupin Kooordinues përpos plotësimit të disa funksioneve boshe. "Brenda këtyre katër viteve kemi bërë më shumë në jug të Serbisë se sa gjatë 40 viteve të fundit. Kemi arritur rezultat të konsiderueshëm në normalizimin e marrëdhënieve ndëretnike. Larg asaj se ato janë ideale, sepse edhe më tutje ekziston një shkallë e caktuar e mosbesimit. Gjatë dy ditëve të fundit kam biseduar me përfaqësuesit e bashkësisë ndërkombëtare dhe ata janë të gatshem ta vazhdojnë mbështetjen e asaj që ka filluar”, ka thënë Lajiqi.

Lexoni në presheva.com:

Leksionet e Lajiqit