Përfundoi riorganizmi i Trupit Koordinues për jugun e Serbisë

Bujanoc, 19 mars (presheva.com) -  Me formimin e tetë grupeve punuese, në punën e të cilave për herë të parë janë përfshirë përfaqësuesit e shqiptarëve dhe të romëve nga Bujanoci, Presheva e Medvegja, të premten në Bujanoc ka përfunduar riorganizimi i Trupit Koordinues të shtetit për jugun e Serbisë, ka njoftuar agjencia “Beta”. Rikonstruimi është bërë në bazë të planit të zhvillimit ekonomik dhe situatës politike e të sigurisë në rajon, të cilin rreth vitit të ri e kanë miratuar organët më të larta të Serbisë dhe të Unionit Serbi-Mali i Zi.